الرئيسية شعر وقصائد بيكيا

بيكيا

43
0

 

سحر أبوالعلا
ياعم ياللي من بعيد بتنادي.
كراكيب قديمة للبيع.
تعال عندي ليك
حاجات كتير.
قلوب بقت قاسية
وانعدمت فيها الرحمة
ونفوس بقت غريبة.
وع غيرها حقودة
في ناس بقت عجيبة
مبتحبش لغيرها الخير.
مع ان خيرها كتير.
وتتمنى لغيرها الشر
مع ان هما الشر.
واقولك كمان.
تعال خد الحزن
اللي بقى مالي القلوب.
وخد معاك كمان.
الضحكه البهتانة ع الوشوش.
والدمعة اللي بقت مالية العيون.
خد الحيرة اللي ساكنه البال.
والقلق اللي يهد الجبال.
ياعم يابتاع البيكيا.
حمل وشيل واعذرني
عارف هيبقي الحمل تقيل.
سحر أبوالعلا

ترك الرد

من فضلك ادخل تعليقك
من فضلك ادخل اسمك هنا