الرئيسية أدب وشعر قلوبنا

قلوبنا

59
0

بقلم / وفاء سالم 

ياريت قلوبنا غير قلوبنا من سنين
كانت قلوب حلوة وبريئة
جواها بسمة … جواها طيبة
كانت قلوب جواها فرحة
طفل عاش عمره سعيد

لكن سنينا فاتت وعدت
وقلوبنا مات فيها الحنين
قلوبنا فيها حلم انكسر
قلوبنا فيها غدر البشر

قلوب وفية كانت سجية
عاشت وضحكت حبتين
وفجأة ليه حالها اتقلب
ووشوش بتكذب وعيون بتنكر
ووعود وزيف من مخلصين
وكل شئ في الكون حزين

كل الطيابة مجروحين
كل الحبايب متفرقين
الا وشوش متصنعة
قادرة تكذب .. تقسي.. تجرح
وماشية عادي في حياتها ناسية
قد ايه وجعت كتير

وهما دول صبحوا البشر
قلوبها ماتت من سنين واتبدلت
قلوبها ماتت واتغيرت
قلوبها راحت وراح زمان
لما السند وقت الشدايد
كان الوتد اللي اتسندنا ياما عليه
ياريتنا عيشنا مكملين واحنا لسه طيبين
ياريت قلوبنا غير قلوبنا من سنين

ترك الرد

من فضلك ادخل تعليقك
من فضلك ادخل اسمك هنا