إنسانيات

مجدى صبحى يكتب. إنسانيات
مش هاتغيرينا مش ها تغيرينا يا سنين..
بكرمشة وتجعيدة وخطين..
وها تفضل قلوبنا لسه صغيرين..
وفرحة العيد لسة مستنظرين.
لو اتدلدلت مناخيرنا
والبوز شبرين..
مش من الذعل دا رسمك يا سنين..
أما قلوبنا نضرة للفرحة عاشقين..
ومش ها تضحكى علينا يا سنين..
عمر عدى كإنه أقل من يومين..
لو ع الهم كبرنا وإحنا صغيرين..
بنطلع علي همومنا وعايشين..
وبنستنى فرحة لو باقى ثانيتين. عن

اشتكى
أشتكي مني الألم..
وكتب شكوتي القلم.
وقال القلم للألم..تعب
سنى والحبر برم..
جبل عالي ياما اتظلم..
وشامخ شموخ الهرم..
شباب قلبي رغم الهرم..
جديد ألمي رغم القدم.

مش محتاجة

وتتقابل وشوش مش عاوزة تتلاقى..
وتتباعد وشوش
لبعض مشتاقة..
دنيا جاحدة قاسية وفراقة..
واحنا بنهري وكأنها خناقة..
بقينا بنرسم فراقنا بسزاجة..
عشان مستقبل وكام حاجة..
والحسبة بسيطة مش محتاجة..
غربة وفراق قساوة وسماجة..
دا علم وحيده ولما كبر سابه..
ودا نافر ومش عاجبه منابه..
والوطن فاتح لولاده ابوابه..
سابوه وراحوا للغربة وغابوا..

علم ولادك

علموهم الحنان والمودة..
بلاش القلوب الجامدة..
ليه ولادنا تبقي جاحدة..
العرفان بالجميل سعادة..

الجد قدم لولاده كل حاجة..
والجدة ياما أدت بسعادة..
رد الحميل واجب يا سادة.
ما بيضيعش منا أى حاجة..
راضي المحتاج ربنا يراضيك..
جبر الخواطر كنز بحد ليك..
والعطا مش بينقص اللي ف ايديك..
علمهم الإنسانية تترد ليك..