الرئيسية مقالات ووجهة نظر ازاي تحقق حلمك في الهجرة بمرتب ٢٠٠٠ يورو؟

ازاي تحقق حلمك في الهجرة بمرتب ٢٠٠٠ يورو؟

49
0

 

كتب محمد فؤاد – فرانكفورت

لو أنت شاب مصر في العشرينات أو التلاتينات من عمرك وحابب تسافر أوروبا وألمانيا تحديداً عشان تجمع خبرة في مجال مالوش شروط في السن أو الدراسة فأنا هاقولك ازاي.

ألمانيا دولة متقدمة اقتصادياً عندها وظايف فيها نقص عددي وفي الوقت نفسه محتاجه شباب مهاجرين في كفاءات كتير من ضمنها قطاع تكنولوچيا المعلومات وكل شيء متعلق بالبرمجة، ودي فرصة ليك إنك تتعلم مجال جديد يساعدك في الهجرة والبدء في مجال جديد مش محتاج وقت طويل عشان تتعلمه.

لو أنت خريج حاسبات ومعلومات أو نظم ومعلومات أو هندسة كمبيوتر أو المعاهد المشابهة ممكن تدور علي وظيفة علي طول من هنا.

https://englishjobs.de

لو أنت طالب جامعي أو خريج كلية نظرية زي تجارة وحقوق وأداب فبردو فرصتك موجودة في إنك تبدأ تتعلم مجال تكنولوچيا المعلومات واللي كورساته مش بتاخد وقت طويل، بتبتدي بأسبوعين وبتوصل في أطول الأحوال لست شهور، بعدها بتبقي مؤهل إنك تشتغل وعشان تسرع موضوع البحث عن وظيفة فممكن تشتغل بشكل حر علي الإنترنت وتقدم في شركات، وبعد سنة خبرة تقدر تبتدي تقدم علي شغل في ألمانيا أو دول الاتحاد الأوروبي التانية.

يعني دراسة ست شهور بحد أقصي وسنة خبرة تفصلك عن تحقيق حلمك في الهجرة والحصول علي فرصة كويسه.

طيب ازاي تبتدي؟

فيه معهد اسمه معهد تكنولوجيا المعلومات بيقدم دبلومات مكثفة من (٣-٦) شهور هتلاقي ليهم صفحة علي فيس بوك وموجودين في كل محافظات مصر من شمالها لجنوبها.

صفحة المعهد علي فيس بوك:

https://m.facebook.com/ITI.eg/

الهند دولة نامية عندها تحديات شبه اللي عندنا، زي البطالة وانخفاض المرتبات وزيادة عدد السكان، رغم كده الهند نجحت إنها تتحول في فترة زمنية مش طويلة لأقوي سابع اقتصاد في العالم اعتماداً علي سواعد أبناءها.

وبدون أي مبالغة مصر تقدر تحقق اللي الهند حققته بإعتمادها علي بناتها وشبابها، فلو عايز تكون جزء من الرحلة دي ابتدي دلوقتي.

لو عندك أسئلة أو حابب تشوف معلومات أكتر عن الموضوع وتجارب شباب مشابهة ممكن تشوف القناة دي علي يوتيوب.

https://bit.ly/3zHEndx

بالتوفيق للجميع.

ترك الرد

من فضلك ادخل تعليقك
من فضلك ادخل اسمك هنا