استنيتك كتير
ايمان ذهني
استنيتك كتير
هون عليه الليالي
و المصاعب،،،،،
والحزن الكبير
كنت فكره ان ممكن تبقى ليه
أو حياتي تبقى وياك حلوه وهنية
لكن.. انت مش ف بالك
روحت وكأني كنت
ذكرى
ونويت إنك تبعد ف لحظة كات بالنسبة لي… غدر كات بالنسبة لي …كره
وأنا اللي دايماً ليك وفية!!
حسستني ان كنت عليك رميه
لاء.. وهونت عليك ف لحظه
كانت بالنسبالي.. طعنه مذقت قلبي الكبير
اللي طول عمره …
يحبك
فرحتي كات بيك كبيرة
وانت سايق ف الاسية
نغمة الغدر… كات بالنسبالك غيه
أو بتتلذذ لما كنت بتشوفني قصادك ….
كأني منحة أو هدية
شوفت فيك كل السعادة
ياللي حبك كان زيادة
كنت بحلم بيك ليلاتي ايوه بحلم بيك ليلاتي
اصحا ألقى الشمس طاله
وانت بتنادي عليه
يالا قوم ياحبيبتي
انتِ لسه مصحتيش
قلبي سامع نبض قلبك لسه سامعه وقال بحبك
حب صافي ميتنسيش
استنيتك كتير
ياللي حبك كان كبير
هون عليه الليالي
والدقايق، والساعات
استنيتك كتير
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
