(شحات وطالب فينو)
شقيان غلبان كحيان طالع عينه
راضي بحالى والشقي وسنينه..
ما بابصش علي الناس واللي جايبينه.
ولا اللي في ايديهم ولا اللي لابسينه..
أنا مصري مصري اللي أنتوا عارفينه..
عاوز أخلى إبنى أحسن واحد شايفينه.
بتقول أيه شحات وطالب فينو..
سعادتك
دا طباخ السم بيدوقه.. والفينو إحنا اللي خابزينه
طول عمر ولاد الغلابة هما البريمو..
ما بنعرفش الشكاية ولو المر شاربينه..
بصبرنا وإيماننا وشقانا الفقر غالبينه..
لما يبقالك عند البياع باقي ولو جنيه..
سيبه عنده وقوله خليه لحد مش لاقيه..
ساعات بيرجع عشان الحاجة زادت جنيه..
اشتري إحراجه كبر باخوك إشتريه..
وماتخافش اللي تسيبه بكرا هاتلاقيه..
ومن أمتى المصرى أخوه بيهون عليه..
لا يهمنا أزمة ولا عمله ودولار وأبصر ايه..
ياما دقت ع الراس طبول قد ايه.
والمصري الفقير إبنه بيبقي بيه
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
