ياولدى

أبوك وأمك كبروك

وقطعوا من قوتهم وعلموك

وعملوا فرح وجوزوك

ووصلوك لبر السلامة

وبعد أيام مش شهور 

فكرت زوجتك ودار دور

وقوام شرطت عليك

وقالت انا زوجتك حبيبتك

خلاص ياحبيبى 

إنسى أمك وإنسى أبوك 

وقوام سمعت الكلام

وسافرت وسابت الدار

وروحت غبت سنين وياما

وسيبت أبوك وسيبت أمك

يواجهوا الحياة وهما محتاجينلك

بعد ماكساهم الشيب 

وانت فى حضن زوحتك

 ومخفتش من الناس الملامة

ومختشتشى العيب

ومر الزمان ودار دوره

وكبرت إصماله عيالك 

والست زوجتك حافظه التاريخ

صاحبت عياله وبقوا 

فى ايديها خاتم

مبيسمعوش ياعينى كلامك

وأنت من غلبك ساكت وكاتم

هتعمل إيه وترجع لمين

بعد ماأهنوك زوجتك ويا عيالك

أبوك مات وخد عزاه عمك

وأمك ماتت وخد عزاها خالك

ودلوقتى عاوز ترجع تانى لدارك

ومنين جالك

إن باب دارك هيفتح ليك

بعد ماعصيت أبوك وأمك 

خلى بالك

معاصى الوالدين…دين

وهيترد على سقف الحياة

من إبنك لو فى يوم جالك

واللى هتعمله ياولدى هتلاقيه 

علشان كده أوصيك وصية 

خلى بالك من أبوك وأمك

تحياتي لكم 

ياولدى