أهم علامات التوافق بين الزوجين

أهم علامات التوافق بين الزوجين

    كتبت د أماني نور 

وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ (21) الروم

المودة والطمأنينة والسكينة أسس تتحقَق بها السعادة والاستقرار في الحياة الزوجية. يطمئن كل من الزوجين للآخر ويميل فلا ينفر، وكل منهما مؤنس لصاحبه، متمم لوظيفته، يجمعهما وحدة الشعور بأنهما متكاملان.

ليس كل الزواج مثالى و سعيد فكل زوجين بينهم نقاط اتفاق و نقاط اختلاف، إلا انهما قد يشعران بالضيق والأختلاف فى بعض الأوقات و هذا لا يعنى أنهما غير مناسبين لبعض، لأن هناك بعض العوامل التى تخبرنا بوجود توافق بين الزوجيين:

ثقة الطرفين فى حب الأخر له

و هذا يعزز التوافق والإنسجام بينهم 

عدم رغبة تغيير أى طرف للطرف الأخر وهو أن يظهر الطرفين قبولهم ببعض فى صفاتهم و أفعالهم دون طلب تغيير لأى شىء فى شخصياتهم

وجود أهتمامات مشتركة بين الزوجيين مثل قضاء أوقات مع بعض و تشجيع نفس الفريق الرياضى

الرغبة فى حل المشكلات الخطيرة و الكبيرة مع بعضهم لأن هذه المشكلات قد تعصف بالزوجين و العلاقة الزوجية بالكامل فرغبتهم المتساوية بحل هذه المشكلات يدل على التوافق الجيد بين الزوجين

تشجيع و مساعدة كلَا من الزوجين على التقدم والنجاح فى حياته العلمية و المهنية أو أى مجال يرغب به الطرف الأخر

التخطيط للمستقبل معًا فيما يرغبان فى فعله بالنسبة لحياتهم الأسرية و الأولاد ومجالات الحياة المختلفة فهذا يعبر عن توافق عميق بين الزوجين

من أكثر ما يدل على التناغم و التوافق بين الزوجين هو التصرف بحرية و طبيعية أمام الأخر دون تصنع أو تجمل لأنه يثق فى الطرف الأخر و يحترم أختلافه عنه

كانت هذه بعض علامات التى تدل على التوافق والإنسجام بين الزوجين برغم اختلاف طبائعهم و شخصيتهم إلا أنها تنبىء بعلاقة جيدة بينهم

نجاح الحياه الزوجيه مسأله مش مضمونه أبدا. ده توفيق من المولي عز وجل. 

١. مفيش حاجه إسمها النديه. الراجل له كل الأحترام والتقدير في وجوده وفي غيابه.. أزرعي إحترامك ليه أمام عيلتك وأولادك. تحصدي إحترامه ليكي أمام العالم كله… 

٢. تظبيت البيت مسؤلية الست. مساعدة الراجل لزوجته مش بالإجبار..

بيبقى بالحب 

٣. الأكل الجاهز و الدليفيري ده في الطوارئ.. إنتي لازمتك إيه فين بصمتك وأهميتك في بيتك

٤. لو عاوزه جوزك يجيبلك ورد وهدايا إبدأي إنتي بالهدايا والإهتمام بيه.. أو حتي قولي له كلمات مشجعه وأيجابيه خليكي مصدر للعطاء والحنان والموده.. 

٥. الإتصال الكتير والزن وإنتا فين وبتعمل إيه أسئله ممله… حاولي تكوني لطيفه وإكتفي بكلمات الأطمئنان علي صحته.. هو بيتعب أوي في حياه صعبه بمعني الكلمه بإختلاف الوظائف والطبقات الإجتماعيه… 

٦. بلاش تدخلي حد في حل مشاكلك… المشاكل بتزيد لما بنحكي للناس ومحدش عارف مفتاح زوجك زيك..خليكي راقيه في الخلاف حتي لو غلط في التعامل معاكي هو حيراجع نفسه ويعتذر لو أنتي محترمه ومؤدبه.. 

٧. بلاش معايرته بدورك الجوهري في حياته وإزاي حياته إتغيرت علي إيدك وكان فين وبقه فين… الحياه عطاء متبادل.. بلاش تركزي علي نفسك بزياده 

٨. لما يكون زهقان أو مهموم بسبب أعباء الحياه.. خليكي بجواره سند إسمعيه بلاش عتاب علي فشل أو قرارات غلط فكريه بأي نجاح في حياته فكريه بإنجازاته حتي لو كانت بسيطه.. 

٩..إفتكري إن عدم الرضا سبب رئيسي لزوال النعمه و المقارنه بين زوجك وباقي الرجاله سبب أساسي لخراب البيوت.. عيشي علي قد رزق زوجك وبلاش تطلع لحياة الناس. كل واحد واخد نصيبه وزياده.. إحمدي ربنا عشان يزيدك من فضله… 

١٠. أوعي تقسي قلبه علي أمه.. إلي ملوش خير وحب لأمه ملوش أمان أصلا.. أوعي تكوني دبش في كلامك بحجة إنك مش منافقه.. وألي علي قلبك علي لسانك… سليط اللسان الناس بتبعد عنه فكري قبل ما تتكلمي 

وأخيرا خليكي لطيفه. كوني مبتسمه جميله. الجميلة الكلمات قبل الشكل..

أهم علامات التوافق بين الزوجين