البطل عبدالرحمن محمد عبدالقادر قادر و باختلاف
متابعة/ عبدالقادر حسنين
تعرف_البطل_علشان_يشارك_في_بطولة_مهمة_محتاج_ايه؟؟ وكمان بيتعب اد ايه؟؟ تعالي اقولك👇
كم يحتاج الرياضي ان يتمرن عشان يبقي رياضي عالمي او اولمبي، بالمعدل بعض العلماء حسبوها يحتاح ١٠ الف ساعه،في حياته عشان يقدر يكون بطل عالم في اللعبه بتاعته،،
يعني يتدرب يوميا من ٥ الي ٦ ساعات بمعدل ٦ ايام بالاسبوع يعني عنده يوم راحه بس ويستمر ع كده لمدة ٦ سنوات،، تخيل تقعد ٦ سنين متروحش اجازه ومتعلمش حاجه غير انك تمارس الرياضه بتاعتك
المهم تلعب بمعدل ١٠ الف ساعه عشان تكون رقم واحد في اللعبه بتاعتك….، المعلومه دي لوحدها في اعتقادي بتوضح كتير جدا جدا احنا ليه معندناش ابطال اولمبيين؛
الموضوع مش موضوع امكانيات الموضوع موضوع وقت مكرس للرياضه دي يعني بتجيب الطفل من صغره خلاص هيا دي حياته الموضوع منتهي
لازم يكرس حياته للعبه دي يومه كامل ميعملش حاجه في حياته غير انه يلعب وبعدين يشوف المذاكره وباقي الحاجات ، يمارس بانتظام ببساطه هوه ده الموضوع
ولكن احنا عندنا واخدينه هوايه فقط ومش واخدينه احتراف بشكل كامل .. متفتكرش ان الكام ساعه اللي بينزل يتمرن فيهم دول هيخلوه بطل عالم ويغيب يوم ويروح يصيف اسبوع ويسيب التمرين لا بالسلامه كده
وبعدين مفيهاش مشكله ان الاب والام يكرسه حياتهم للابن انه يكون بطل اولمبي، توصيله للنادي ويفرغ حياته للاعب من كل شي حياته كلها كده
عشان تكرس حياتك بشكل كافي لازم انتا في الاول تكون مقتنع المجتمع مقتنع الاعب مقتنع المدرب مقتنع ،
الفكره في المجتمع ان لو حد عرف انك كرست حياتك للرياضه المجتمع هيهاجمك انت ايه اللي بتعمله في الولد ده خليه يروح يذاكر ياخد كليه او يكمل ماجستير خاليه يتعلم زي الناس وياخد وظيفه ويقيض منها ٢٠٠٠ ج كل شهر
صعب تقنع حد ان خلاص وهبت ابنك للرياضه وانه يكون بطل رياضي وان شاء الله يكون بطل رياضي ويجبلنا ملايين
الفكر ده للاسف مبقاش موجود عندنا عشان كده صعب جدا جدا انك تلاقي بطل اولمبي او عالمي عندنا في مصر او معظم الدول العربيه
مفيش حاجه اسمها هغيب من التمرين عشان مودي مفيش حاجه اسمها هغيب من التمرين عشان زهقان مفيش حاجه اسمها هغيب من التمرين اريح شويه مفيش حاجه اسمها اغيب من التمرين اسبوع مصيف مفيس حاجه اسمها اغيب من التمرين ١٠ ايام امتحانات…….
قبل ما نلوم حد نلوم نفسنا الخلاصة
خليك_ورا_ابنك_وخليك_حافز_له
عافر_المشوار_مش_سهل💪💪
خليك_جامد👊👊
البطل عبدالرحمن محمد عبدالقادر قادر و باختلاف
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
