“العلاقه بين الاكل والمشاعر “
ليه بناكل واحنا مش جعانين!!
كتبت/ نفين عادل
تفتكر ليه ساعات بناكل مع اننا لسه اكلين! كم مرة فتحت فيها الثلاجه وانت مش جعان؟
كم مرة اكلت فيها شيكولاته لكي تتخلص من التوتر والقلق والحزن ؟ كم مره لجأت للأكل عشان تهرب من مشاعرك؟
الحقيقه ان كتير مننا بيهرب من مواجهه مشاعره وبيلجأ للاكل كوسيله للهروب.
هل الجوع ليه انواع؟ وايه علاقته بالصحه النفسيه؟
ايوه،الجوع انواع، اكدت دراسات في مجال الصحه النفسيه ان الجوع ليه اكثر من نوع:
جوع جسدي:
وهو الجوع العادي اللي بنحتاج ليه عشان يعطي طاقة لجسمنا.
جوع عاطفي:
وهو الاحتواء من شخص معين وقت الضعف، ولكن عندما لم يجده الشخص يلجأ الي ماهو اقرب اليه وهو الاكل.
دراسات كتير اثبتت ان الاكل بيرفع هرمون السعاده لدي الانسان زي الدوبامين وده بيخلينا نحس بيه بارتياح لحظي ،
وان اغلب الاشخاص بيربطوا الاكل بالامان والطفوله وحضن الام،الاكل بدون سبب اوقات كتير بيبقي غلط لانو كمان بياثر علي الشخص جسدياً ونفسيا فيما بعد.
طب إزاي نقدر نسيطر علي نفسنا لما نلجأ للاكل:
* خد نفس عميق ثم تنفس ببطي.
*حدد اولاً نوع شعورك وانتي محتاجه ايه حاليا.
*أكتب مشاعرك علي ورقه لو مش قادر تتكلمي مع حد هيخفف الضغط والتوتر.
*انزل امشي حتي لو نصف ساعه لان الرياضه بتغير المود جداً.
الاكل مش عدو ليك ابداً، لكن لما بنستخدمه غلط بيبقي اكبر عدو جسدياً ونفسياً ، في علاقه بين الاكل والمشاعر قويه جداً، المهم انك تستغلها صح عشان تقدر تعيش بصحه نفسيه افضل.
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
