الكبير
كبير العيله كان زمان
كانت كلمته بتمشى على الكبير قبل الصغير
كأنه فى عيلتة أعلى وزير
كان صوته عالى وله زئير
أما دلوقتى الكبير ملوش مكان
معدتش حد يسمع كلام
ولا عاد فى إحترام
والصغير أصبح إمام
علشان حفظ كلمتين
ويوقلك انت عارف جدى مين
بقينا نتمسح فى أجدادنا
وبندور على ماضى حلو فاتنا
ومش عارفين نعلم ولادنا يعنى ايه معنى الاحترام
دلوقتى الكبير راحت هبته
ومحدش بيسمعه من عيلته
وتقولوا دا الكبير اسمع منه
ببجاحه يقول أنا كبير نفسى
دا انا افضل واحسن منه
خلاص عليه العوض في الإحترام
المأموم مثله مثل الإمام
معدشى خلاص فى نظام
والصغير يمشى أدام الكبير
علشان معدوم الإحترام
الكبير دا كان زمان
أما دلوقتى معدش له مكان
وقلة الأدب أصبحت عادة
والقهوة هنشربها سادة
على روح الإحترام
الكبير كان زمان
الكبير
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
