بحر هواك
بقلم الكاتب/ محمد عباس
الاسماعيليه
حبيبي لو يدوم لي رضاك
وافرح كل يوم بلقاك
ولايصحش اعيش وياك
فريد واهي في بحر هواك
ولا عمري هعيش وانساك
انا الماضي في لحن هواك
فما تلومش غريب قساك
قالوا لي كتير ما صدقتش
داريت على جرح بسكاتي
حفظت الصبر من اسمي
لنا عازف ولا الاتي
انا اللي الصبر صبرني
لابعد واحترم ذاتي
فمتلمنيش علي قلبي
حسبت الحسبة باهاتي
وكنت ابعد وتنساني
ولاعمري قدرت انسي
لان الصبر وصاني
اصون العشرة والالفه
في عين الخلق بتعلم
معاني كتير ونقصاني
اكون جاحد اكون قاسي
وعمري ماكنت براني
انا الزاهد في عصياني
انا الخاضع لحرماني
الف الكأس ووحداني
وعمري ماعشت شراني
انا كلمة روتها دموع
انا البسمة اللي في الممنوع
ولو حتي هموت م الجو ع
ده بعد الليل بيجي سطوع
وجاني كتير يغازلوني
لكن خايف يفارقوني
انا الماضي اللي علمني
ادوس علي قلبي وعيوني
ولاانذلش لغير الله
انا عبده وبترجاه
اصلي ركعتين لله
وابغي رحمته وهداه
وايه م الدنيا نترجاه
غير الفرجه وقول الله
بحر هواك
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
