بعد إيه
بقلم خالد كرومل ثابت
بعد إيه
عامي
بعد إيه جايه تقولي أنت حبيبي
ده الحب اللي بينا لسه ما انتهاش
ولا جايه تشوفي دمع عيني
الدمع فاكر حب قلبي منسيهاش
دا أنا كل كلمه كانت حروفها من قلبي
حرف يشبع وحرف يروي قلب مارتواش
كنت وردة عايشة في ضل قلبي
قلبي حب ريحة زهرك ما استغناش
هان عليك وبعتي قلبي الغالي
قلبي اللي اشتراكي بعتيه ببلاش
فاكره كلام الحب وسهر الليالي
ضاع الحب وضاعت الليالي وانت مافاكراش
كنت أسهر أسال نجم الليل العالي
كنت أحلم نجمي ينور قلب في الظلمه عاش
بعد إيه جايه تقولي أنت غالي
فاكره الغالي وتقولي لسه الغالي مانتهاش
بعد إيه
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
