بلاش تلكيك
كتب/ مجدى صبحى
ضحكة حلوة م القلب تنجيك
أضحك مهما جات الدنيا عليك
خد لك م الهم ياصاحبي بريك
أجمد ما تضحكش الحزن عليك
الحلو والمر مقدر علينا وعليك
يوم قرديحي ويوم لحمة
وكيك
لو لحظة مرة لحظة حلوة تنسيك
الدنيا كدة وكدة بلاش تلكيك
وسط الهم كباية شاي تنسيك
ياما ناس غنية وحلوة وشيك
في ايديهم حاجات مش فى ايديك
وبيحسدوك علي ضحكة باينة عليك
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
