شوية صور
بقلم/ أحمد الموشي
عندما تمسك جوالك في ليله يغلب عليها السكون وتقلب في البوم الصور
وتستوقفك كل صوره علي حدا يستحضرك موقف مع شخص
ويسترجعك الحنين الي وقت مضي
أو الي حبيب لم يكن لك به نصيب
أو صاحب كان قريب وأصبح بعيد وغريب
نظرت كثيرا وتأملت وكان ملخص الايام شويه صور
شويه صور
حجات جميلة وذكريات
وكل صورة تفكرك بوقت عدا عليك وفات
صورة تفكرك بالوجع ويا الاهات
وصورة ترجعك لزمن عدا وفات
وصورة تفكرك بضحكه جميله وليل اصيل
وصورة تفكرك بجراح وويل
وصورة تفكرك ببيت قديم
كان احلي عزوة ولمه وتسأل راحوا فين
وصورة تفكرك يوم كنت عايق
كان معاك فلوس كتير وكان حواليك كل الخلايق
وصورة تفكرك بحنان ابوك ووقفة صحابك اللي يحبوك
وصورة تفكرك بدعوة حلوة
بصباح جميل طالع كأنه غنوة
صوتك يا امي
صورة تفكرك باغلي الحبايب
منهم اللي حاضر واللي
غايب
منهم اللي في التراب مدفون
واللي بتشغله الهموم
واللي سافر آخر الكون وبيسعي في الدنيا
كل صورة ليها موقف ليها فكرة وليها ذكرى
ولو نجمع الصور ونفتكر كل اللي فات
الحنين وايا الاهات
هنحمد المولي الكريم علي اللي جاي وعل اللي فات
شوية صور
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
