على قدر الحب تراك الناس
بقلم السيد عفيفي جمال الدين
على قدر الحب تراك الناس
بقدر محبتك في قلبه يراك أنت هتلاقي في حياتك اللي بيشوفك أطيب الناس، وهتلاقي اللي بيشوفك أسوأهم ، هتقابل ناس بتنسى لك مواقف حلوه كثيرة مجرد حدوث موقف حصل منك بدون قصد والدنيا تقوم وتقعد وأنت عامل معاه كل الواجبات وهو ممكن يكون لم يفعل معك أى شئ النوع ده بيتلكك لأنه حصل على كل ما يحتاجه منك أنت انتهيت عنده غير قابل الصلاحية أو التجديد دول ناس بتشوه الصورة فاحذرهم وهناك ناس بتدور لك على أى أعذار لك حتى لايتخلى عنك وتحس منه قد إيه أنت جميل وأنت أفضل حد عرفه وإن كانت المنفعة منك له قليلة ده شخص اصيل اتمسك به ولا تتخلى عنه ومن يفعل معك هذا الحب وبدون مقابل لابد أن نتمسك به ولا نتركه وهتقابل ناس ما بتبطلش تنتقدك على أتفه الأمور ويحسسوك إنك على خطأ فى كل تصرفاتك هؤلاء أوناس يكرهوك فاتركهم وشأنهم وناس هيتكلموا عنك بكل الكلام الجميل في وصفك فى أبسط الأفعال التى تقدمها ده إنسان بيحبك وعاوزك تكون أفضل من أى حد وهتقابل ناس بتكرهك بدون سبب ، وناس بتحبك بدون سبب مجرد أنك تكون معتدل وناس بتحقد عليك مجرد إنك محبوب بين الناس الحرب الداخلية لكل إنسان بيشوفك كما يحب أن يرى هو ومدى حبه لك أو بغضه لك وفي النهاية أنت نفس الشخص الذى تم امتداحه ونفس الشخص المذموم ولكن كل عين تراك على قدر محبتها لك ، وكل يراك من الزاوية التي تقف فيها من قلبه فعلينا جميعا أن ألا نرى الناس بمكانته فى قلوبنا ولكن نراه كما هو إن كان جميل فى صفاته وأقواله وأفعاله أو إن كان سئ فى تصرفاته وأقواله وأفعاله ولابد أن نعلم أن الحياة الدنيا مهما طالت فهى قصيرة ومهما أعطت فعطائها قليل فعلينا أن نستمتع باليوم الذى نعيشه فى حب الله وحب الناس لأن الغد لا نعلم يكون به خير أم لا لأنه لم يعدنا الغد بشيئ
على قدر الحب تراك الناس
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
