قصيدة وسط الأشواك
تـعرف لـيه أنا حـبيتـك؟
وجوه فـؤادي خـبيـتك؟
لأنـك إنـسان جـميل جـواك
حـنون وطـيب زي الملاك —
تـعرف إيـه شـدنـي لـيـك؟
قسوة أيـام شـفتـها بـعنيـك
زي ما عـشتـها زيـك تـمام نـفس الوجـع ونـفس الآلام —
عارف أكتر حاجة حـسيتها؟
روح صـافية ياما داريـتها
تبكي وتـشكي كـأنك طـفل —
حسـيت بـحزنك والأوجـاع
ودموع بتخبيها عن الأوضاع
وسط الـناس بـتداري الآه ومعايا بـتنسى اللـي عـشناه —
شعوري بيخليني أبكي معاك
يا شايل عذابك وحيد في سماك
محدش زمان كان حاسس بيا
إلا لما شـفتك وبـقيت لـيا —
أوجاع السنين سوا نعديها
ونحاول نعيش أحلى لياليها
يمكن جـروحنا تـخجل تـبين وتـبعد وتـترك بـينـنا الحـنين —
صدقني حبك هو “نهر الحياة”
خالد في روحي لحد المـمات
مش شايفة في عيوني غير هواك
قصة حـبايب بدأت مـعاك —
إحنا اللي بنكتب بـدايـتـها
وعـند الله تـكون نـهايـتها
لكن وعد مني أصونك
يا قلبي وأمشي معاك
عـلى طول دربي —
طريقنا سبيل هنمشيه بما فيه
والحب في الأشواك.. ربي يهنيه!
قصيدة وسط الأشواك
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
