كله غش
بقلم: الشاعرة سحر طه سعيد
مسير الكل هيمشي من حواليك
واللي كان بيسقفلك
هيجي يوم يتف عليك
مصلحته خلصت من عندك
ومعدش محتاج ليك
معدنك رخيص
انسان خسيس
ماتعرفش غير التدنيس
تلف ودور وحكاويك ما بتنتهيش
تعمل مليونير و جوه جيوبك مفيش
الكل بيتعب لاجل لقمه العيش
وانت طول عمرك غشاش
بتتصرف بغباوة وطيش
تضرب وتأسي وماتعرفش
تقول اسفه معلش
طول عمري بأكلك العسل
وانت تأكلني المش
وان جت تسألك الناس
تقول محصلش
بتنكر المعروف
لانك بالف وش
إن أكلتك ف يوم يميش
تنكر وتقول مافيش
وان رويت جواك العطش
مهما تاخد ما بتديش
أرضك بور مفيهاش غير أش
وان جيت ابني عٍيش
لأجل أعيش
تهده انت بالطيش
واخرة تعذيبك الأنعاش
وحتي مستكتر فيها اعيش
قلبك وضميرك ايه!!!! مفيش
الغدر طبعك ما بينتهيش
ومهما اكتب فيك
الكلام ما بينتهيش.
