د. سماح مصطفى تكتب.. الصحة النفسية للأسرة..

د. سماح مصطفى تكتب.. الصحة النفسية للأسرة..

📰 الصحة النفسية للأسرة..

 مما لاشك فيه أن الاهتمام بالصحة النفسية تؤدي إلى مجتمعات أكثر قوةً وتماسكاً حيث أنها تنجب جيل قادر على تحمل المسئولية ؛ فالصحة النفسية تزيد لدى الأطفال من ثقتهم بأنفسهم، وتعزز قدرتهم على التعلم والإبداع، وتساعدهم على بناء علاقات صحية مع الآخرين.

👩‍👩‍👧‍👦 تخيل منزل يملأه ضحك وسعادة وتفاهم..

فتري الطفل يجري يفتح باب الغرفة، حيث رائحة الطعام المحضر بحب من الأم تفوح من البيت ،  تري الأب والأم وهما جالسين بود يتحدثون إلي بعضهما أحداث اليوم بعد يوم عمل طويل.

وتارة أخرى ، نفس البيت كله صمت، الوجوه متجهمة، والقلوب غير مرتاحة. الفرق كله يكمن فى الصحة النفسية للأسرة.

💬 ممكن أسألك سؤال؟

هل تشعر أحياناً في المنزل أن الصمت أوقات بيكون أفضل من الكلام.. لكن بيخنقك؟

البيت مش بس مكان بننام ونصحى فيه.

ده المكان اللي بنتعلم فيه الحب، الإحترام، واللي بيشكل شخصياتنا كلنا.

ولما كل فرد فيه يكون مرتاح نفسيًا، الكلام بيكون أسهل، الخلافات تقل، والبيت يبقى أمان.

🌀 الضغوط اليومية وتأثيرها

الضغط، الشغل، السوشيال ميديا، الزحمة.. كل ده أكيد بيغير توازن البيت.

ممكن تلاقي نفسك أو شريكك ساكت من غير سبب، أو الأولاد بقى عندهم توتر زيادة.

ما هو الحل؟

الحل يكمن فى إننا ناخد بالنا من مشاعرنا ونترك مساحة نعبّر فيها قبل ما هذه المشاعر  تتحول لإنفجار يهدد حياة الأسرة.

> تخيل لو كل فرد في البيت أخد ٥ دقايق او أكثر كل يوم يحكي ما بداخله .. بالتأكيد الوضع سوف يصبح مختلف .

🏠 قصص من حياتنا

الأطفال بيتعلموا مننا: لو بنصرخ، هما كمان هيصرخوا.

الزوجين: لو مفيش كلام، الفجوة الصغيرة سوف تكبر سريعاً.

الأهل: لو مش مرتاحين نفسيًا، ده ينعكس على الكل حتى لو مش ظاهر.

> سؤال سريع:  منذ متى آخر مرة جلست مع أسرتك ١٠ دقايق بدون تليفونات وشاشات؟

✅ خطوات بسيطة تحافظ على صحة البيت النفسية

تحدثوا بوضوح وتوددوا و شاركوا مشاعركم قبل أن تتراكم.

قللوا النقد: ركزوا على حل المشكلة مش على اللوم.

لابد من توفير وقت يومي للأسره: حتى ١٥ دقيقة بدون هواتف .

حاول أن تنشئ نشاط مشترك: لعبة، قراءة، نزهة قصيرة، أو مجرد شاي في البلكونة.

اطلبوا مساعدة لو لزم الأمر : ده مش ضعف، ده قوة ووعي.

💡 الخلاصة

البيت الذي يهتم بصحته النفسية = بيت آمن.

والبيت الآمن بيخرج جيل يعرف يحب، يشتغل، ويواجه الحياة بقوة.ويكون نافع لنفسه والمجتمع 

> نصيحة سريعة: جرّب النهاردة تقول “عامل إيه؟” بجد، وتقعد ٥ دقايق تسمع الرد.

هتتفاجئ قد إيه الجو هيخفّ ويتغير.

الصحة النفسية للأسرة مش رفاهية.. ده استثمار في الحب، في السعادة، وفي مستقبلنا كلنا. 

د. سماح مصطفى تكتب.. الصحة النفسية للأسرة..