لاتِعاتب ولا أعاتب
بقلم-أشرف رسلان
بعاتبك ليه
ماتستهلش مني عتاب
انت معايا مش فارق
بعاتبك ليه و أخطاءك
بدون أسباب
بتزعل مني و بتخاصم
وغاوي فراق
خصامك تملي يئلمني
وبترجاك تكلمني
تقول ع اللي حصل مني
و ده كان شئ مجنني
قتلت شوقي وحنيني
دموع نزلت على جبيني
أنا طول عمري وسنيني
بقول فترة … و هَتعدي
وحار قلبي و حيرني
اعيش الجنه ولا النار
ولا قادر أخد لي قرار
راح أقتل حروف كلمه
لو مَدحِت في أوصافك
وأمشي في طريق ضلمه
و أعاتب قلبي لو شافك
نسيمك عندي بقى إعصار
عصف بيه وخلاني
أعيشها …. دمار
وزلزل عقلي وكياني
بقيت … منهار
حتى الشهد ف وجودك
بقا طعمه في حلقي مرار
كتير أستنى تكون جنبي
و تتعدل ما بينا أحوال
و كان جوايا ألف سؤال
بتروي ف القلوب فرحه
وتعجبني
عيونك غدرهم باين
معذبني
جاي ليه تعاتبني كفايه
خلاص
ماهو انت إللي خلتني
على بعدك بلا إحساس
لاتِعاتب ولا أعاتب
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
