ما تزرعش في طريقي شوك  إبراهيم الأفندي

ما تزرعش في طريقي شوك
 إبراهيم الأفندي

https://masaaraby.com/?p=354625&preview=true

ما تزرعش في طريقي شوك
وترمي حمول على كتافي
هتتحكم ظروفك فيك
تجيبك عندنا حافي
ما تزرعش ف طريقي شوك
والناس اللي بيغشوك
تصدق كدبهم عني
وتظلمني وتتمادى
وتبعد عني كالعادة
ولا بتقبل كلام مني
وتخسر في اللي بيحبوك
مافيش عندك دليل كافي
ما تزرعش في طريقي شوك
وترمي حمول على كتافي
حتتحكم ظروفك فيك
تجيبك عندنا حافي
بتعمل إللي يتعبني
بترجع ليا وتسيبني
وبتهدم وانا بأبني
تعكر حب كان صافي
ما تزرعش في طريقي شوك
وترمي حمول على كتافي
هتتحكم ظروفك فيك
تجيبك عندنا حافي
قالولك عني ما في الخمر
وانا عاشق عنيك السمر
وتغلط فيا واتنكد
تعالي عندي واتاكد
مافيش عندك دليل كافي
ما تزرعش ف طريقي شوك
وترمي حمول على كتافي
وتتحكم ظروفك فيك
تجيبك عندنا حافي 

https://www.facebook.com/groups/2004366466535948/?ref=share&mibextid=NSMWBT

ما تزرعش في طريقي شوك
إبراهيم الأفندي