مقال × حدوته
مقال × حدوته ..الهروب من مرحلة في حياة كل إنسان مراحل .. مراحل ممكن تفضل فيها، ومراحل لازم تعدّيها.
الفرق بين الاتنين؟ .. إن الأولى بتسحبك، والتانية بتعلمك.
شاب في بداية حياته زيه زي أي شاب عنده حب استطلاع بيحب يعرف ويجرب ويكتشف بنفسه.
في مراهقته أتعرف على كل أنواع الناس اللي بيذاكر، واللي بيحب، واللي بيضيع وقته، واللي بيتعاطى.
من باب الفضول .. جرب حاجات كان فاكرها “تجارب” .. بس أول ما لمس الطين .. حس بثقله.
شاف النهاية في عيون اللي حواليه .. فاختار يرجع قبل الغرق.
خرج من المرحلة دي بدرس مش ممكن ينساه .. إنك ممكن تغلط بس ما تفضلش في الغلط.
لكن الحقيقة إن الكلام هنا مش عن المخدرات بس .. المخدرات مجرد مثال.
كل مرحلة بنعدّي بيها سواء كانت غلطة، علاقة فاشلة، طريق غلط، أو حتى فكرة كنا فاكرينها صح .. هي تدريب وتمرين للحياة الجاية.
كل سقطة فيها درس، وكل تجربة فيها حكمة مستترة.
ومن ضمن الدروس دي اختيار الناس اللي حواليك.
مش كل اللي عاش معاك سنين يستحق مكانه في حياتك .. المدة مش مقياس، الموقف هو اللي بيكشف.
لو اكتشفت إن شخص مايستحقش صداقتك ولا أهتمامك .. أقطع الحبل فورًا، وافصل وكأنك ماشفتوش في يوم من الأيام.
لأن النضج الحقيقي أحيانًا مش في “الإستمرار”،
بل في “الإنفصال في الوقت الصح”.
اللي بيتطور هو اللي يعرف يخرج من كل مرحلة أنضج من الأول،
مش اللي يهرب منها أو يتجمد فيها.
الحياة مابتقيسش الناس بعدد المرات اللي غلطوا فيها،
لكن بعدد المرات اللي قاموا بعدها مختلفين.
في النهاية .. المرحلة مش النهاية .. هي مجرد فصل من الحكاية.
وكل تجربة مهما كانت مرة،
هي تدريب صامت على النُضجك القادم…
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
