#نصيحة_دنيوية

#نصيحة_دنيوية

أيمان ذهني

#نصيحة_دنيوية

#انتبهوااااا

يمر العمر سريعاً دون أن ندرى أو نشعر

لذلك أذكركم أحبابي ببعض من النصائح التي تجنون ثمارها في المستقبل بإذن الله ف أقول …..

أقبل أمك زى ما هي 👌

_أوع في يوم تقف تحاسبها على أي فعل أو أي قولا تقوله لك أو لغيرك طالما لا تقصد به الإساءة لأحد

أو تحاسبها وتقول لها انت قولتي كذا أو فعلتي كذا

_ الأم لا تحاسب ولا تعاقب ولا تحسسها بالذنب ربنا هو الذي يحاسب ويعاقب

ماتحاولش تغيرها ولا تعدلها‼

أنت ما شفتش هي عاشت قبلك ازاي ولا حصل معاها إيه ولا مرت بإيه علشان أنت توصل للمرحلة دى في حياتك .

_إرحموا امهاتكم وأبائكم من السخرية والزهق منهن أو منهم أوعوااا تحسسوهم في يوم بالضجر أو بأنكم زهقتم منهم ومن تصرفاتهم

أو تحسسوهم إنهم عبئ عليكم

أصل أمك دي مرت بمراحل كتير قوي وابتلاءات أكتر وهموم ومشاكل ومشقة علشان توصلك تبقي راجل،،. وانتى تبقي ست البنات .

_أوع تفكر تحاسبها على تصرفاتها معاك ، عشان زمان كان لها طاقة وجهد وقوة تحمل خلاص إنتهت بتربيتكم .

_ماتبخلش عليها بإهتمامك ،،

ولا بمالك حتى لو هي مش محتاجة وخليك فاكر إن البار بأمه وأبيه هو اللي بيعمل كل طيب لها من قبل هي ما تطلب أو يطلب ☝️،،،

وأوعى تستكتر عليها مال من مالك دا الخير والبركة والكنز والجنة تحت اقدامها ،،، متخليش الشيطان يلعب بدماغك😡 .

_لو تعبانه أجري بيها بسرعة وعالجها ،،، أصل هي دي اللي مكانتش بتقبل عليك تقول آه وأنت صغير أو وأنت كبير ، فاكر وأنت صغير والدكتور بيقولك بتشتكي من إيه ياحبيبي ؟

وأنت تبص لأمك علشان تحكيله هي أنت بتشتكي من إيه لإنها أكتر واحده بتحس بيك ، وبوجعك ، وآلامك😥

_ فاكر لما كنت بتبقى تعبان ومريض ماكنتش بتنام لغاية ما تطمن عليك

ولا تتأخر بالليل مع اصحابك أو في الشغل قبل ما تتجوز… مكنتش بتنام إلا لما تطمن إنك رجعت البيت

_أوعى تخلي مراتك ،، أو تخلي جوزك أو عيالكم أو شغلكم أهم أولوياتكم عنهاااا

❤️‍🩹بلاش تلغوا أو تتهونوا بوجود الأم أو الاب في كل أمور حياتكم علشان للأسف هتجنوا ثمرة الإلغاء ده ،،،

لأن الحياة

كما تدين ___تدان 👌

البر بالوالدين واجب وفرض

” أكرم أباك وأمك لكي تطول وتنعم أيام حياتك بحياة أفضل ، اللهم إني قد بلغت،، اللهم فاشهد🤚 ”

تأملوا أحبابي بقول الله تعالى :.

﴿ ۞ وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا ۚ إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلَاهُمَا فَلَا تَقُل لَّهُمَا أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا﴾

[ الإسراء: 23]

#نصيحة_دنيوية