أخبار عاجلة

إهداء لروح حبيب

بقلم:  سوزان محمد 

إهداء لروح حبيب
كان عبد للرحمن
طيب و قلبه كبير
و بجد كان إنسان
زى النهارده سافر
و تركنى للأحزان
مرت سنين و سنين
بس الوجع إدمان !!! 🥲
عايش كأنه معايا
حاضر فِ كل مكان
ماهُو كان أعز عيالى
كان حبه بالأطنان 🥲
كان نِفسى أخدُه ف حضنى
أَديلُه كل حنان
بس القدر كان سابِق
ما كان فِ الإمكان
أصل المرض كان قاسى
غداااار أوى يا زمان
نمت و صحيت على خبَرُه
للدنيا ما فى أمان
العمر كان عشرين
و كأنه كان يا ما كان
راح الحبيب الغالى
سافِر بلا عنوان 🥲
و تركنى وحدى أقاسى
من لوعة الحرمان
و لا بَعده قادر أعيش
و لا قادر انسى كمان
أنا لو دموع العين
تِتحَط فِ الميزان
من كُتر دَمع العين
كان اشتكَى الميزان 😲
ياما نفسى اموووت و اروح لُه
لكنِّى بالإيمان
لَجل الحبيب الغالى
رَح أفتح القرآن
و ادعِى لُه أد ما هاقدر
و ادعو لُه انتو كمان
أول ما اروح الجنة
نتلاقَى بالأحضان 🤗🤗 … #بقلمى #سوزان_محمد
( قصيدة على لسان عزيز فى ذكرى وفاة أعز أبنائه )

 17 إجمالي المشاهدات

عن elmessaa0elaraby

شاهد أيضاً

ندوة ” غرس المفاهيم البيئية داخل المدارس ونقل الثقافة للمنزل” بإعلام السويس

كتب / أشرف الجمال الدولة المصرية الجديدة والحديثة والرقمية والتى بدأت بالفعل تحت شعار العلم …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *