أخبار عاجلة

سلطان زماني

بقلمى سلوى البرشومى
من مصر الاسكندريه

سلطان زماني
انا كنت عايش سلطان زماني
في رحم امي واكل شارب نايم
مش شايل للدنيا هم
ولا
كنت اعرف طعم الحزن وانا كنت
عايش زي الفل جيت الدنيا عشت
في ايامي الأولى فرح ولعب
وضحك لما كنت أقع الاقي ايد
تنقذني ولا كنت بشعر بالبرد
بالاقي حضن يدفيني ولما كنت
بمرض ابويا يجري على الطبيب
علشان يعالجني يعني في غمضه
عين يعني حنيه ام
وأب
يعني يخافو عليا من الهوي
لو
قرب مني كبرت ومشيت في
الحياه وشفت ناس وعرفت
ناس
ناس تصيدك وناس بتكلمك بحساب
وكل
ماكبر المسئوليه تكبر وراحت
ياعيني راحه البال صبحت وحيد
بدون سند الأم قابلت رب كريم
والاب كمان سبولي اخوات قلت
دول سند لقيت عبد المعين عاوز
يتعان كل واحد منهم عايش في
طاحونه الحياه واللي فيه مكفيه
مش ناقص حمل كمان والله
بقينا بندور على ساعه انسجام
قلت افتح التليفزيون
لقيت
اخبار توجع الراس مسكت النت
لقيت اخبار قتل وأمراض
وفيضانات
وكوارث في العالم حرب هنا
وارهاب هناك صراع على مين
يلعب الماتش ومين ياخد الالومبيات
وفي وسط الزحمه لقيت روحي
بتتخنق قلت اصلي ركعتين يمكن
يهدء قلبي من الانفعال رسيت
في النهايه على أن ديه سنه الحياه
بقلمى
سلوى البرشومى
من مصر الاسكندريه

 11 إجمالي المشاهدات

عن elmessaa0elaraby

شاهد أيضاً

ندوة ” غرس المفاهيم البيئية داخل المدارس ونقل الثقافة للمنزل” بإعلام السويس

كتب / أشرف الجمال الدولة المصرية الجديدة والحديثة والرقمية والتى بدأت بالفعل تحت شعار العلم …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *