وهات العمر من الأول وهات حبايبنا من تاني

بقلم/رانداكمال عامر
وهات العزوة واللمة
وهات الجيرة والصحبة
وهات قلب مايسودش
وعيون جميلة ماتحسدش
وعيش وملح مايتخانش
مش بنندم علي اللي فات
بس بنحن للذكريات
بنحن لعمر فات
بنحن لكل لحظة عشناها مع الناس العزاز
غصب عنّا بندور في الوشوش
يمكن نقابل ناس جميلة نطمن لها زي ناسنا زمان
أيام لما كانت القعدة ضحكتها تسمّع
طالعة من القلب لا بنحسب لها حساب
ولا بنقيسها بالمقياس
كان كل حد فينا بيمد ايديه لصاحبه
بيحضنه بكلامه ويدفيه بعنيه
كان كل حد فينا خايف عالتاني وماسك فيه
في الحقيقة غصب عنّا بنعيش في اللي فات
غصب عنّا بنتمني إنّ كل لحظة حلوة مرّت علينا ترجع زي زمان
بس حتي الحاجة لمّا بترجع ساعات
بنحنّ للناس العزاز اللي كانوا وقتها لنا سند كانوا لنا ضحكة الأيام.

 478 إجمالي المشاهدات

عن علاء مقلد

شاهد أيضاً

سؤال محيرني 

  بقلم الكاتب  محمد عباس  الاسماعيليه ************ سؤال محيرني انا ايه اللي غيرني  لوكنت يوم …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *