أصبحنا خارج نطاق الخدمة بالوعي والضمير الإنساني

أصبحنا خارج نطاق الخدمة بالوعي والضمير الإنساني

 

فهيم سيداروس

أصبحنا خارج نطاق الخدمة بالوعي والضمير الإنساني

جاوز الالم الحد .. هذه الجريمة .. ستظل وصمة فى جبين مجتمع .. تم افساده بشكل متعمد

التعليقات قنابل موقوته

التعليقات لأناس مختلة عقليا، ونفسيا إستحالة يكونوا بشر ..

الخوف بإننا نعيشن مع الأغلبية بهذا الشكل، والفكر.

أصبحنا خارج نطاق الخدمة بالوعي والضمير الإنساني

التعليقات تدل علي خلل نفسي.. دول لايعرفون دين، ولا شرع…لم يقل الدين إنهم يخوضوا في عرضها، أو يحكموا عليها الأحكام الغبيه

التعليقات اللي نزلت بعد مقتل الجميلة نيرة بتأكد انها اتقتلت مرتين وان اللي قتلها مش بس اللي موجود في التحقيقات… لا اللي قتلها وهي ميته مستمتع بموتها كما الضباع خاين ضعيف لئيم

كمية تعليقات لا تصدر من قاع القاع..

امتي يا مصر يا طاهرة ولادك وصلوا الحضيض كده؟

ابسط شئ انهم يترحموا عليها ويطلبوا من الله لها المغفره، وأن يصبر أهلها علي المصيبه التي وقعت عليهم..

الحادث ممكن يحدث لأي انسان.. خلاف بين إتنين ينتهي بهذا الشكل..

تركنا البحث عن الأمن، والأمان، والجريمة البشعة في عز الضهر، ونتكلم عن شعر ولبس..

إذن إنها مؤامرة..

اولا* الثقافه الدينيه عند ناس كتير شبه معدومه… ومصدرها سماعي، إو قراءه لكتب غير محققه علميا، وبالتالي تترسخ مفاهيم خاطئة معيبه..

ثانيا* خلل مجتمعي ظاهر، ومنتشر يتمثل في الحكم علي الأخر بدون أي وجه حق وتعمد التشويه مبني علي إفتراض نزاهه وفضيله في مصدري هذه الاحكام..

ثالثا* أعلام ووسائل تواصل إجتماعي أخرجت أسوء مافي البشر، وأنتجت أساليب تواصل خربه، ودنئيه.

أنا ضغطي أرتفع القذاره، والإنحطاط في تعليقات الناس،

نوعية هذه التعليقات تشجع علي إنتشار الفكر الإجرامي، وإستسهاله، وتبرير أي فعل بشع، وتكراره عادي !

لعدم وجود حل، و لا توعيه، ولا ردع…

عارفين يعني ايه ضنايا… يعني مجموع تعبي، وألمي، وشقايا يعني فرحتي، و حزني يعني أملي، وأحلامي، ومستقبلي..

بنتي كبرت، وكبرت ادام عيني.. ورايحة الجامعه أشكرك يارب حققت كل ما تمنيته و أنا، وبنتي بقينا أصحاب…

قفلت باب الشقة وانا بقول يارب احرسها من العين بنتي احلى الحلوين

البنوته مرجعتش تاني… رجعت جسد بلا روح..

نيرة قتلت بلا رحمه في وضح النهار أمام الناس لم تجد ما يدافع عنها… ولا يدفع عنها العدوان…

قتلت أمام الجامعه في باحة الحرم قدس اقداس التعليم!!!

أين الناس إثناء ذبحها بهذه بالبشاعه خلاص يا مصر عدمتي الرجاله..

خلاص لم يعد فيه عون ولا سند.. ممكن اي حاجه تحصل لاي حد في اي وقت

عملت ايه نيرة عشان تستاهل الخلل والخبل ده؟

عملت ايه نيره عشان حتي وهي ضيفة الرحمن تتناولها السنة الضباع بكل السوء والاذي ده؟

عملتي ايه يا مصر عشان يكون فيكي اتعس نسخة بشرية علي الكوكب كله؟

امتي يا مصر ولادك بقوا كده وانت ساكته.. ليه ساكتة؟؟

نيرة ماتت معرفتيش تحميها

ودلوقت انا بطلب من اللي باقي من رجالة واسود مصر متسكتوش لفيران الصحوة خليهم يرجعوا جحورهم تاني لو لمحتوهم في اي مكان رجعوهم جحورهم تاني خليهم يتأكدوا ان مصر فيها رجاله ولسه عندها اسود

وانت يانيرة يا بنتي وبنت كل ام في بلدي لروحك السلام والرحمة والسعادة يمكن انهاردة يكون اسعد ايامك…

لكن بالتأكيد هو من اتعس ايامنا…

الله يرحم الزمن اللي كان اقبح شيء فيه ممكن يعمله اي رجل انه يتعدى حدوده و يتجرأ و يقول معاكسا للمرأة بونسوار يا هانم ..

– الله يرحم لما كانت امهاتنا بتركب المواصلات العامة بالميني جوب و هما رايحين الجامعة و لا كان مخلوق يقدر يبصلهم بصة وحشة او يتعرض لهم ..

– الله يرحم مجتمع حتى الفقراء اللي فيه كان عندهم رقي و اخلاق و شكلهم نضيف ..

انا مش عارف احنا هنوصل لفين ؟

دلوقتي اللي شكله نضيف و كويس و واخد باله من نفسه و هيئته ، اصبح هو المختلف !!!؟؟

القبح اصبح هو السمة السائدة ..

نيرة كانت مختلفة .. نيرة كانت جميلة .. كانت قمر .. معتزة بنفسها و بأنوثتها و بالطبيعة اللي ربنا خلقها عليها ..

شعرها جميل و لابسة لبس يواكب العصر نفسها تعيش حياتها زي ما ربنا خلقها مش زي ما هيفرضه عليها المجتمع ..

لو كانت نيرة بنتي و في الجو التعليمي و الحياة اللي انا كنت هوفره لها جايز جدا مكنتش اتقتلت ..

نيرة اتقتلت علشان اختارت تعيش حياتها و سنها و تتبسط في بيئة عفنة و ثقافة منعدمة و تعليم منحدر و ذكورية متخلفة و تدين ظاهري و امراض نفسية مجتمعية متفشية و حالة اقتصادية متردية ..

نيرة اتقتلت علشان الدولة معرفتش تحميها هي و اللي زيها و توفر لهم مناخ افضل ..

قلبي عليكي يا بنتي يا زينة العرايس يا وردة البنات يا نوارة العذارى ..

قلبي عليكي يا بنتي كان نفسي احميكي..

الناس كانوا مستنيين يشوفوا الدم عشان يتحركوا، أصل صراخها مش كفاية يعرفهم إن المفروض يتدخلوا

كان من زمن قريب الاهل كانوا بيقولوا لاولادهم البنات لو حدد عكسك في الشارع

صرخي الناس هتتلم عليه ويأدبوا

يعني كان نخوة الرجولة كانت متوفرة وموجودة

يعني نخوة الشهامة كانت خامة نظيفة

يعني المجدعة وأولاد الأصول موجودة

ياا خسااارة علي أولاد البلد

ياا خسااارة علي الشهامة والمجدعة والرجولة

ضحية جامعة المنصورة

الطالبة نيره أشرف عبد القادر الفرقه الثالثه أداب جامعة المنصورة من مدينة المحلة تم ذبحها اليوم على يد زميلها في الجامعة ولم يحرك أحدا ساكنا

‏نحن نعيش في أسوأ عصر في التاريخ، نحن وسط أقذر مجموعة بشرية وجدت على الإطلاق…

﴿ ثُمَّ قَسَتْ قُلُوبُكُمْ مِنْ بَعْدِ ذَلِكَ فَهِيَ كَالْحِجَارَةِ أَوْ أَشَدُّ قَسْوَةً ﴾

قال النبي ﷺ لا تَقُومُ السَّاعَةُ حتَّى يَكْثُرَ الهَرْجُ قالوا: وما الهَرْجُ يا رَسولَ اللهِ؟ قالَ: القَتْلُ القَتْلُ

من علامات الساعة كثرة الهرج (القتل) حتى أنه لايدري القاتل لما قتل والمقتول فيما قتل .

طالب بجامعة المنصورة يذبح طالبة أمام بوابة توشكى.

بناءً على الشهود أنه كان ماسك راسها تحت باطه وهي بتصرخ وإيده بتتحرك عند رقبتها وفجأة ظهرت مثقولة

لم يحدث تدخل حتي الآن من اي انسان من الماره من الناس الي انشغلت في التصوير لدرجه ان الفيديو المنتشر صور قبل ذبحها يعني كان واضح أن في جريمه هتتم لكن كان الأهم من حياه الإنسان هي توثيق اللحظه الي بيتم فيها إزهاق روحه كان ممكن يتم إنقاذها.

-بعد محاوله طعن نيره من قبل المجرم محمد عادل اسماعيل الطالب أيضا بنفس الكليه قام بذبحها ومحاوله قتل نفسه حقيقي مش قادر أفهم الي كانو بيصوروا كانوا بيفكروا في ايه رغم إدراكهم أن في جريمه بتتم،

في الفتره الاخيره وبغض النظر عن المصداقيه انتشرت قصه الإبر الي بتخدر أو المنديل الي بينيم لكن خلاص متقلقوش من ده لأن الجريمه حاليا أصبحت بتتم بدون تخدير.

– وكل القهر الي فوق ده بالنسبالي لا يقل بشاعه عن الكومنت ده هو في ايه بجد للدرجه دي احنا بقينا مجردين من الإنسانيه بل حتي من الوعي والإدراك أشبه بروبوتات متحركه بتنفذ تعليمات أو كما في واقعنا تشريعات وخلاص مجردين من الفهم والمشاعر كل الي شغل حضرتك هو لبسها الي هتقابل ربنا بيه أي ربنا بالظبط الي شاغلك لبسها علشانه أو هيهتم اصلا بلبسها.

– حرفيا مش لاقي كلام يوصف المستنقع الي احنا عايشين فيه

أصبحنا خارج نطاق الخدمة بالوعي والضمير الإنساني

 165 إجمالي المشاهدات

عن اسماء ابراهيم

شاهد أيضاً

مشكلات نفسية

مشكلات نفسية

مشكلات نفسية بقلم – د.زكرياء معسكري مدير مكتب جريدة المساء العربي بالجزائر مشكلات نفسية الطفل …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *