المسحراتي
(القاهرة)
بقلم-أشرف رسلان
مسحراااتي …. منقراااتي
اصحى يانايم .. يانايم اصحى
صَاحي وصياحي
واخد برااااااحي
و الكل صاحي
جي لِك ليلاتي ياااا … قاهره
بنت المُعز … أعظم مدينه
صاينه ولادها
بإيدين أمينه
والله أكبر آذان يكبر
م النوبه يصدح لحد سينااااا
خان الخليلي
و أزهر دليلي
مَجرَى العِيون مِن شَط نِيلي
للقلعة واصل بدون فواصل
اصحى يانايم .. يانايم اصحى
مدفع وضارب
ساعة مغارب
زينه و كهارب
والشهد شَارب
وقت الفطور
حَلي بكنافه .. وسط الصينيه
مَحشيه فزدق …… وِ مهلبيه
يا سَلام عَليها
مِن إيد سَنيه
اصحى يانايم .. يانايم اصحى
رمضاااان كريم
المسحراتي
(القاهرة)
