أم الكون
بقلم _ أندرو فرج
قالوا سمرا وبهية
ومكحله كحل ربانى
كل اللى شافها غار
وقال دى لازمانى
ياما ساقوها الويل
والكل عليها جانى
خططوا ياما يوقعوها
أستخدموا كل الأسامى
راحت مخططاتهم فشلت
وراحوا واحد ورا التانى
قالوا نيلها نبع حياتها
ومن غيره هتموت
أتفقوا عشان يموتوها
بنوا عليه سدود
ربنا من جوده عليها
فاض بخير غير محدود
قالوا كيف نكسرها
نعبر عليها الحدود
جيشها نهض ووقف
وحلفت الأسود
حدودنا خط أحمر
واللى يعديها يموت
مصر
مصر أم الكون
ومقبره للي يخون
منذ الأزل حاميها
رب الكون
مصر ديما عامره بناسها
وفاتحه أحضانها لكل
غريب ولكل من وطنه
محروم
مصر ثقافه حضاره منذ
الأزل مصر فرعون
كل العالم فيها أحتار
والنهارده جايين يبتدوا
من عند ما أنتهي فرعون
مصر أم الدنيا
مصر ام الكون
مصر ثقافه وفنون
أندرو فرج
عاشق نيلها
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
