السيد عفيفي جمال الدين
( البنت دى منك)
دعى هى من أسباب الوجود
ولولا هى ما كنت جيت
ولا كان في عمران فى بيت
وماكنش للخلفة وجود
دى هى أمك وهى أختك
وهى بنتك وكمان حبيبتك
وبتشوف الدنيا كلها بعنيها
وبتلاقى الأمل مقرون فيها
يعنى بلاش تعاملها غلط
وفجأة تظهر لها خيبتك
دى هى أمك وأنت نطفة
وهى أمك وأنت علقة
وهى أمك وأنت مضغة
وهى أمك يوم الولادة
ساعتها حست بالسعادة
لما شافت أول دمعة على خدك
ونسيت قوام تعب الولادة
هى اختك لازم تخاف عليها
ولازم تحس بالدنيا بيها
دا انت ليها دهر وسنادة
هى بنتك اللى تمنيتها بالعبادة
من دعاك ربك عطاك
بنت جميلة
وكنت بتفرش لها الوسادة
وهى حبيبتك وزوجتك
اللى بتحلى الدنيا،بيها
وكمان بتشوف الدنيا بعنيها
هى راحتك وهى سعدك
ولما بتفرح ولما تحزن بتلقيها
قوام بتمد لك ايديها
يبقى ليه تعاملها غلط
يا ابو دماغ مليان زلط
دى هى منك حافظ عليها
الرجال من غيرها غلابة
واوعى تقول دى الدنيا غابة
دى الدنيا من غيرها كأبة
ولازم الكل يفهم
الضلام هيكون سحابة
النساء على عشان وجودهم
الحياة بتكمل بيهم
لازم نحافظ عليهم ويكون
فيه استجابة
بأحترامك تظهر رجولتك
وتظهر شهامتك وطيبتك
ولازم فى يوم هترجع
وتتحاسب على عملك
دى كل فعل متسجل عليك
والملك مش هيبطل كتابة
واللى هتعمله هتلاقيه
فى الميعاد والمكان
هقولك أعمل ماشئت داين تدان
( البنت دى منك)
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
