الغش

بقلم السيد  عفيفي جمال الدين 

الغش

ال إيه بيقولوا الغش

فى بلدنا كتير

فيها لما طالب غش

ونجح وبقى دكتور

فيها ايه لما كان

بيعمل عملية وكان سرحان

فيها ايه لما ساب

فوطة فى بطن العيان

فيها ايه لما فكرفي حبيبته

وساب مشرط ومقص كمان

فيها ايه لما مراتة كانت متخانقة معاه

فيها لما بيفتح جرح قطع شريان

فيها ايه لما دكتور نسى ان فيه رب

فيها ايه لما الكفر دخل جواه فى القلب

فيها ايه لما امر ممرض يسجد للكلب

دا دليل على التربية دا مش إنسان

دا كفر بالخالق واتباع شيطان

خلى بالكوا دول مش فى الزمن ده كتير

فيه دكاترة عباقرة وعندهم اغلى ضمير

عارفين.ربنا ولهم فى الطب كيان

فيها ايه لما مهندس نجح فى الهندسة بالغش

واسس عمارة وخلى اسسها هش

وراح مجلس المدينة وعملوا العوبة

وجاب رخصة مبانى حماه الله مضروبة

وبنا العمارة وعلا فى البنيان

ورص العمارة بأسمنت مغشوش طوبة فوق طوبة

فيها ايه لما بعد شهرين

اتهدت على السكان

مش كلهم فى مهندسين

رأس مالهم كله ضمير

وبيعامل ربنا والمهنة كمان

فيها ايه لما قاضى

كان عنده فى الأصول فجوة

ونسى ربنا وخد من المتهم رشوة

علشان ظروفه اه عمل قرشين

وحكم على البريئ وشيله كمان الطين

اتنزعت من القلب الرحمة وانزرع جواه أسوة

وباع ضميرة واتجرد من بنى الإنسان

لكن فى قضاة تا ريخه بياض ناصع

بيعامل ضميرة وحياته

فيها نور ساطع

عند ضمير وشر ف والمهنة عنده كيان

فيها ايه لما ضابط شرطة

نفسه ياناس يوصل

ونفسه يتقدم فى الدقيقة الفين خطوة

وعاوز يركب عيون واخد من الناس رشوة

فيهاايه لما محاضر زور يعمل

فيها ايه لما على الشريف ينزل

ويلفق تهم وشيل حشيش وبودرة كمان

لكن فيه ضباط غير الشرف عنده مفيش

بيعامل ربنا فى كل أفعاله

وبيتحرى الدقة فى كل أقواله

وبيرضى بالقليل لو فى يوم جاله

وعارف ربنا وبيتعامل بدون فرق

وكلهم عنده بنى الإنسان

فيها ايه لما جزار

فى البلد حالته تعبانة

فى ايه لما الجزار خاف

على البلد وعامل على التوفير

فيها ايه لما اكلنا بدل الجاموسى

لحم حمير

ال إيه ومش عجبنا كمان

فيها ايه لما خفير السكة الحديد

خادله تعسيلة

وراحت عليه نومه ونسى

يحول التحويله

ايه اللى حصل قطرين داخلوا

فى بعض مات الفين راجل وست كمان

ياناس أرحمونا خليتوا عشيتنا هباب

عملتوا الكباب من القطط ولحم كلاب

اين المصير يابنى.الإنسان

محدش هيسمعنا

لو وقفنا سنين على الباب

خلوا بالكم الغش فى بلدنا كتير

بس خدنا منه مقطتفات

ولو اتكلمنا عن الغش

هنكتب من الورق صفحات..

 

الغش

 640 إجمالي المشاهدات

عن هند معز

شاهد أيضاً

الياقوته الحمراء هي الكعبة المشرّفة.

الياقوته الحمراء هي الكعبة المشرّفة. د.  شفيعة عبد الكريم سلمان  الياقوته الحمراء هي الكعبة المشرّفة. …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: