الدنيا مولد .. حروف للشاعرة حنان عبدالعزيز

حنان عبدالعزيز : الدنيا مولد 

………

يقولوا الدنيا دي مولد
ومولد والله يا دنيا
ده فيكى كل شيء معقول
بيتغير يــادوب ثانيه !!
.. تلاقي الطيب المجذوب
تشوفه تقول عليه بهلول
بيوزن فى الحكم ويقول
وعايش دنيته الفانيه
،، وفيها من البشر الـوان
كأنك شفتها تــانى
بتشبهلك فى كل مكان
بترسم ضحكه من بره
وجوه القلب بيعاني !!
،، وفيها اللي يبان مكسور
لكن واقف جبل عالى
..،، وفيها اللى تقول قديس
بيرسم ف الحروف ويقيس
ويتمكن يادوب منك
تلاقى ملاك صبح إبليس ..!!
.. ماهى الدنيا صحيح مولد
وف المولد يادوب بنعيش .

 4,026 إجمالي المشاهدات