عشان انا غيرهم
بقلم راندا كمال عامر
من حقى اتحب بطريقه مختلفه غيرهم
من حقى اتعامل معامله غيرهم
حسسنى انى حد مميز..حد يهمك أمره
من حقى احس معاك بالأمان..احس انك موطنى
خليك مكان آمن اجيله وقت خوفى متبقاش مكان اخاف اقربله
من حقى انى اسمع كلمه حلوه..انا مش حد والسلام ليه كل دى قسوه
مش شرط نتكلم طول اليوم والـ24 ساعه..انت علطول موجود ف تفكيرى
جايز اكون حد مبيعرفش يعبر عن حبه وحد من أقل حاجه بيتكسف وممكن تكون دى حاجه مش لطيفه..بس ربنا عالم عن المشاعر الى متشاله عشانه
حبيتك..ومن حبى فيك ورثت عنك كل طباعك
عملتها ازاى بس عرفنى
مهما قالو انك فيك عيوب حبيتك بردو
حبيتك ب عيوبك و مزاياك دا حتى عيوبك بالنسبالى مميزه..
عاملنى كأنى بنتك وصحبتك وحبيبتك متعاملنيش كأنى زيهم
انا غيرهم
ف طباعى وكلامى وحتى تلقائيتى الى بتزيد وانا وياك
يا ضى القلب والروح..اخدتك مسكن لكل الجروح
يا ضى القلب والروح..امته القلوب هتبوح
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
