بقلم الكاتب
محمد عباس
الاسماعيليه
*************
مرور 🙁 الكرام
وديما ظلمنى مبكى عيونى
تشوفنى تعاتبنى. لانك ناسينى
ولامرة تسال وتيجى تهادينى
طال التمنى اقول لك ياغالى
هتفضل فاكرنى ياروحى وامالى
وامته هتعرف يانورى وخيالي
وحبك وحبى شمعه تلالي
لهيب المحبه بيحيي اماني
ياريتك هتقدر تبدد شجونى
تفرح عيونى وتخلف ظنوني
وتحكى تشارك تهاني زماني
وتشرب معايا شراب التفاني
ونسعد ونجني بدايه ونهايه
واقول لك شاغلنى تعالي تعالي
وكل حكايتي عايزك معايا
فى كل المواقف تساند خطايا
وتعتب واعاتب واقولك كفايه
ضاع من حياتنا طريق الغوايه
باعت لك رساله اشوفك امانه
بتابع ملامحك بفكره وغايه
وبفرح لفرحك وشايفك معايا
ببسمه جميله تداوى قسايا
تقرب واقرب طريق النهايه
عذرا حبيبي كرهت الملامه
ظروفك تعاني ونفس الشكايه
تفرح فؤادىء ونبدا بدايه
هدور عليك وتحلم معايا
ونفرح ببوحنا. وتبقى دوايا
حقيقي خسارة مافيش اى عهد
فاكر مواقفك بدون اي بعد
حبيبي واكثر اساس كل فرح
تعد تشوفني بدون اي وعد
احس بوجودك دليل اوفي عهد
قول اى حاجه تفرح فؤادى
اكيد المحبه هتحييي ودادى
وتيجى تزورنى واقولك ده عادى
ازورك تزورنى اجيلك تيجينى
كفايه مواقف ترجع حنيني
وننسي همومنا ونمحى الامنا
ونكره عتابنا ويبقى سلامنا
مرور الكرام وحالك وحالى
اشوفك تشوفنى تقولى ياغالى
ومن غير كلام هنحلم امانى
لحظة تصافى لقلبك ياوافى
وشوقنا يزيد بحب وتعافى
وفرحة ولهفه واحلى الاغانى
وندعى ودعاءنا رمز التهانى
نصلى وصلاتنا اسمى المعانى
مرور 🙁 الكرام
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
