انتحار_مش_تنمر
بقلم_نهلة_البدري
_________________
أنامش مكمل معايا
كلمه صاحبي قالها ف النهار
قول لي طيب
اكتئاب ولا انتحار
كلمه قلتهاله بهزار
رده كان تنهيده وجع
اعتذار
مفهمتش ساعتها
قالي ده قرار
كلامه ف دماغي دار
لاني زي زيه
حاسس بنار
تاني يوم صحيت
علي كلمه امي البن فار
فجأه سمعنا صوت عويل وانهيار
جريت بسرعه
نسيت اقول أنا صاحبي جار
ف الشارع قصادي ناس كتير
تقول برضو انتحار
وكتير يقول
ده صاحبه اللي مات
مين اللي مات
أنا صحبي مشكلته السكات
مين اللي مات
كنت لسه ححكيله حكايات
عدت أيام شهور عمر فات
لكن لسه فاكر شكوته قبل الممات
كان يقولي بيتريقوا عليا من الميلاد
ايه وحاشته
مش طالع لمامته
ولا لابوه أسمر شويه
مش لون اخوه
وأما كبرنا ف العلام
كان اخويا وحته مني
كان بيدافع بقوه عني
رغم جسمه أقل مني
ابتدينا نكون صحاب
صاحبي ده
رسمني طاير بجنحات
اصل جسمي اتخلي عني
صاحبي كلامه
مش تلعثم لاء تآني
بتريقتكم وبكلامكم
اخدتوا صحبي مني
انا صاحبي مات
وكل مشكلته السكات
انتحار_مش_تنمر
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
