مصر 2030 والوصول للعالميه في كرة القدم
كتب /محمود صلاح
هل من الممكن أن ينافس منتخب مصر لكره القدم علي كاس العالم في يوم من الايام
اجيب بنعم ممكن
اهتمام وزير الشباب والرياضة
الدكتور أشرف صبحي الوزير الدؤوب علي تطوير كره القدم
في مصر والاهتمام بقطاع الناشئين وتطويره وتوسعه
علي سبيل المثال مشروع كابيتانو الذي أظهر العديد من المواهب في بلدنا وأثبت نجاح التجربه
من خلال متابعتي لمعظم الانديه
لفت نظري مشروع مشابه في أحد الانديه في محافظة البحيره
وهو نادي بروكسي
مشروع قوي جدا في مجال البراعم والناشئين
استثمار في المواهب وليس في الماديات
ذهبنا الي هناك من خلال فتره معايشه قصيره تبين لنا الآتي
قطاع كامل يضم مجموعه كبيره من المدربين واللاعبين
علي رأسهم رئيس النادي الكابتن محمد حامد الذي أسند المهمه في تكوين هذا القطاع للكابتن صبري رجب
الذي بدوره جلب مجموعه مدربين علي كفاءة كبيره جدا
علي رأسهم نجد
اولا الكابتن السيد البشبيشي
الذي لف معظم ربوع مصر وبالأخص محافظات كفر الشيخ والبحيرة والإسكندرية والغربيه لتكوين فريق من مواليد 2003
ماشاءالله مجموعه لاعبين ينتظرهم مستقبل كبير جدا
مجموعه لاعبين استطاعوا خلال فتره قصيره للفوز علي انديه كبيره
كذا لاعب من هذه المواليد تتهافت عليهم انديه كثيره في الدوري الممتاز
وبسؤالي للكابتن السيد البشبيشي هل هؤلاء الاعبين بيدفعوا فلوس أو ماشابه قال لي لاء طبعا
انا لفيت مصر كلها عشان اجيب هؤلاء الاعبين الموهوبين مواليد 2003
مجموعه لاعبين لو لعبوا مكان منتخب مصر للشباب كانوا كسبوا البطوله بسهوله جدا
ثانيا فريق مواليد 2005
وده مهمته مع المدرب الشاب سعد الحنتوشي
مجموعه ماشاء متميزين جدا جدا
والدليل علي ذلك إسناد مهمه منتخب البحيره لهذا المدرب الرائع سعد الحنتوشي
ثالثا فريق مواليد 2006
يقوم بتدريبهم المدرب نادر عزمي
مدرب علي خلق عالي جدا
وفنيا حدث ولا حرج عامل فريق مواليد 2006 لا اجامل لو قولت يلاعب فرق كبير في العمر عنه ويكسبها
تحس ان انت بتتفرج علي كوره اوروبيه لعب علي الارض وأساسيات سليمه لاعبين يمتلكون مهارات التسليم والتسلم جمل نكتيكيه بتتلعب
مفيش حاجه اسمها لعب عالي وخلاص لاء بجد شغل مدرب جامد
نادر عزمي في رأي هو مستقبل كبير في عالم التدريب في الكوره المصريه في السنين المقبله
رابعا فريق 2007
مع المدرب الشاب طارق السيد
استطاع أن يفوز علي فرق له باع طويل وفرق كبيرة في الدوري المصري
مجموعه لاعبين مميزين من مواليد 2007 معهم مدرب كبير فنيا صغير في العمر طارق السيد مدرب محترم وجامد فنيا ماشاء الله
ندخل بقي علي مجال البراعم
تخيلوا اولاد من اول مواليد 2013 و2012 و 2011 و 2010و 2009
ودول برده لهم مدربين لوحدهم
فنجد مواليد 2009و2011و 2013 مع المدرب الواعد جدا ايمن ناجي
تتفرجوا علي ولاد بتلعب كوره زي الكبار بالظبط
لدرجه ان انا بتفرج علي ماتش لهم فقولتلوا يا كابتن ايمن ازاي دول مواليد 2009
قالي افرجك كمان علي 2011
والله لاعبين في ناس كبار في الدوري متعرف تستلم كوره زيهم
ده اكيد طبعا شغل المدرب
بجد حاجه تفرح
ومواليد 2010و2012 ودول مع المدرب
حماده عبداللاه
طبعا بالتأكيد لن يقلوا عن زملائهم مجموعه بتلعب مع بعض كوره حلوه وبيكسبوا اي ماتش مع أي حد وكلهم ماشاء الله مستوي واحد
بجد الي الواحد شافه في هذا المشروع داخل نادي بروكسي
جعلني اقول ليه فعلا زي ما الرئيس قال منروحش للعالميه
عندنا كوادر بشرية قويه جدا ولاعبين مميزين قوي بس ياخدوا الفرصه
كل الشكر للكابتن محمد حامد رئيس نادي بروكسي
والكابتن صبري رجب رئيس قطاع الناشئين والبراعم
اسمحوا لي اذكر جميع اسماء المدربين مره اخري واشكرهم علي اهتمامهم بهذه المواهب
الكابتن السيد البشبيشي/ مواليد 2003
الكابتن نادر عزمي/مواليد 2006
الكابتن سعد الحنتوشي/مواليد 2005
الكابتن طارق السيد/مواليد 2007
الكابتن ايمن ناجي/مواليد 2013/2009/2011
الكابتن /حماده عبداللاه
مواليد 2010/2012
وبأمر الله كل الدعم لكم من جريده المساء العربي
والدكتور عمرعوض
والاستاذ احمد حمدي
والاستاذ مصطفى غانم
ونوعدكم بمواصله متابعه كل المواهب المصريه
مصر 2030 والوصول للعالميه في كرة القدم
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
