بقلم السيد عفيفي جمال الدين
الأم
شىء جميل
وهى من أساس الكون
خرجت
من ضلع آدم
بأمر الله وكلمة كن فيكون
أم لسيدنا يونس وهو فى بطن الحوت
وكانت بتنادى الإله
و خايفه عليه من الموت
وأم لنبى الله موسى وماء اليم يحمله
وهو داخل التابوت
وكانت بتبكى بالدموع
و بتطلب من الأله العون
وأم لسيدنا عيسى وحملة فيه بكلمة كن فيكون
وناداها من تحتها ألا تحزنى
فأنا عبدالله ونبيا من الصالحين
وهزت جزع النخلة لتنزل رطب جنيا وتقر العين
يعنى هى أم للأنبياء
وهى أم للعلماء
وهى أم للشهداء
أمي اللى فى بطنها شالتنى
تسع شهور ومن صدرها رضعتنى
وكانت بتسهر من الظلام لحد النور
علشان أكون ممنون
كانت بتسهر لمرضى
وبدموعها طهرتنى
وبجفونها ضللتنى
وبحنانها روتنى وضمتنى
أمى انا ماشى بدعوتها ليا
ودعاها ليا أكبر هديه
أمي كبرتنى،وخلتنى كبير
وزرعت جوايا الآمل والخير
أمى أجمل رحمة فى أيامى
وبدعاها السكة كانت بتفتح قدامى
نفسي يارب فى وجودها
ااقدر ارضيها واسعدها
وعن سنين تعبها اعوضها
أمي مقدرش اوصفها بكلامى
ياما أنتى ليا شىء غالى
لو قاعدت كتير أكتب عنك
محتاج سنين بالنسبالى
أنا مهما أعمل ليكى
مش هقدر
أوصل لعمل يوم يكفيكى
ياما قولى أيه يرضيكى
يارب أمي أنت عارفها
وتعبت عليا ومن جوه شايفها
انها تعبت علشان تربينى
يارب عينى اسعدها
واعمل شىء حلو يعوضها
يارب اديها من عمرى وسيبها
تفضلى بقربى تسندينى
دى هى حياتى ونور عينى
وهى للخير عنوانى
يأجمل شىء فى زمانى
أمي….. تحياتي لكم
الأم
شىء جميل
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
