كلمة
بقلم : محمود السعيد
بورسعيد
كنت عايز أقولك كلمة
م تقالتش لحد تاني
ليها معني وشكل تاني
م أنتي حب عمري كله
ساكنة قلبي .
ساكنة عقلي .
ساكنة روحي مجنناني .
ليك شوق وكمان محبة
نسوني جرحي الأولاني
ويمر طيفك قصاد عنيه
ي سحرني و يخطفني ف ثواني
والقي روحي تايها مني .
وأسهر لك طول الليالي .
مبقتش عارف ف أيه حصلي .
ولا أنا فاهم ف أيه جرالي .
من يوم ماخطفتي ي حبيبتي قلبي
وزادت لهفتي و أنشغالي
ومن يومها وانا في عذاب وحيرة
وتعبت من سهر الليالي.
شوق وحنين يقيد لهيبي .
وتزيد معاها نار أنشغالي .
وعقلي كمان يتوه مني .
والكلام يهرب من تاني
وروحي كمان تروح مني .
من خجلي ماهي مدوباني
قوليلي اعمل ايه ف حبك .
ي ساكنة قلبي ووجداني
عايز أقولك كلمة بحبك .
ألقيكي جيا في ثواني .
تخديني علي طول في حضنك
ونعيش انا وانتي ف أمان.
تجمعنا أشواق ومحبة
وأكون ليك الحياة من تاني
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
