حلم أتقتل
كلمات. محمد عبد الحميد السيد
حلم أتقتل
مهوش ذنبي اني
اتولدت فقير علشان كده فضلت
سنين أحلم وأسعى للتغير
عمري مهما الشدة زادت عليا
ماطلبت شيء من الغير
قاومت الفقر والظروف
وحكايتي عارفها الالوف
حاولت وعافرت واديني اهووو ليسه بعافر
لكن الفقر ماسك فيا ومش راضي يفارقني
ومكلبش بانيابه وبظوافر
قلت مفيش غير العلم هو الحل
جريت و وقلت اتعلم وحقق الحلم مادام هو الأمل
ايوة ياسادة أنا اتعلمت ووصلت للقمة وبهمة
عالية اخدت شهادة كبيرة غالية
وعلشان أقدر أتعلم حفرت الأرض
نحت الصخر وشيلت الرمل والصخر على
كتفي ويوم ما وصلت للقمة
الكل قال مبروك مليون مبروك
قلت نفسي تقولوا لي مبروك في يوم ما ابقي
في مكان مرموق مكان يخليني قدوة لجيل طالع
من الطلبة يزرع فيهم الهمة اللي كانت في يوم
عندي يخليهم يتحدوا الظروف
.. ويعافرو زي مانااااا عافرت
لكن دلوقتي واديكو شايفين انا قدوة تهد الحيل
وتقتل طموح ولادنا واحلامهم ماتحكوش
عن حكايتي لأولادكم
ولا عن حلمي اللي اتقتل واندفن في وسط
الرمل والطين وانتو شاهدين
وعن عزيمتي اللي خلاص ماتت وأنا
عليها حزين
وعن سهري الليالي وسط مراجع وكتب دفعت
فيها الرخيص والغالي طول السنين
وعن نظري اللي تعب من التدقيق بين السطور
وعن مخي اللي مليتو أسئلة واجابات
وعن عمري اللي راح بقى ذكريات
وعن سني اللي ماعشتوش واهو عدااا وفات
وعن حجات كتيرة وأحلام وأمنيات
والثعلب فات فات وفي ديله نحكي قصص
كتيرة
تشبه قصتي تمام وروايات. ملهاش آخر
قصص شباب كتير ااااووووي
. أنا آسف لو كنت طولت عليكم
لكن بدون ما أخد بالي كتبت لكم حكاية
. يارب عوض علينا واكرم كل واحد تعب واتعلم..
وكان أملو يعيش في يُسر..وعزة نفس… وكرامة.
حلم أتقتل
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
