عيد العمال
بقلم. السيد عفيفي
عيد العمال
كلام للعمال فى العيد
علشان تعيش عمرك سعيد
ويتحققلك كل جديد
أعمل علشان ربنا هيشوف عملك
أعمل علشان يتحقق املك
وتصلح حياتك وتعمرها
وتربى ولادك وتعلمها
وتدير شؤنك وتدبرها
لازم تشتغل وتتقن عملك
دا كله بيسجل فى سجلك
وعمل وبتاخد عليه فى اليوم اجرك
دا بالعمل بتزيد الكرامة
وبتزيد عزة وشهامة
وبتتجنب من الناس الملامة
شد حيلكوا يافلاحين
وطلعوا الزرع من الطين
علشان حياة البنى ادمين
تملاها الإبتسامة
والصنايعية فى المصانع
والخطبا فى الجوامع
تحث على العمل النافع
وتحث على السلامة
المدرسين فى المدارس
والدكاترة فى الجامعات
دول بيخرجوا كل فارس
لسد جميع الاحتياجات
ياعامل اتقن عملك
علشان يتحققك املك
وابعد فى عملك عن الضلال
علشان تعيش وتحيا وتاكل بالحلال
تحياتي لكل عمال مصر
عيد العمال
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
