زجلية مغربية بعنوان “بلاش”
بلاش …بلاش
إلا كانت لمحبة
من قلب غشاش٠٠٠
الزهر لي
ينبت فالزبل
ما يَتْشَمْ
ؤ ما يحلاش…
واش تربح
من واحد
مزكرم مكشاش٠٠٠
غير الجوع
النگير ولكلام
فالناس ما يخطاش٠٠٠
تايه فعمرك قاني
تجمع فلي يصلاح
ؤ لي ما يصلاحش٠٠٠
افتح قلبك
بغي الناس تبغيك
علاش التغبيش علاش...
هي دنيا فانية
وعمرك فيها قصير
حاول فيها ماتشقاش
عيش بقلب كبير
ؤ فرق بين
لي يسوا
ؤبين لي ما يسواش….
“بلاش”
بقلم: حميد النكادي
عين تاوجدات 13يونيو2023.
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
