القلب بعشقك ولهان
الشاعر المراكشي محمد دومو
( زجل مغربي غنائي )
القلب بعشقك ولهان
بلوناس يخفاف هم الدنيا
وتظهر الطريق ليا مزيان
وف غيابك نعاني حر الكية
مخطوف لعقل غادي سرحان
عين تشوف هنا وحاضرة
ولعقل مسافر ال ذاك الزمان
واش أنا فاتح عيوني ديما؟!
ولا مزال غير هايم ونعسان؟!
ما يداويني من غيرك حدايا
ولا من شيء يجعلني فرحان
لوناس بلا بيك ما يحلى ليا
نسرح فالليالي تايه وسهران
أنت لحبيب الغالي ديما
سالب قلبي وبعشقك ولهان
القلب بعشقك ولهان
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
