ضيوف ع الدنيا
بقلم خالد كرومل ثابت
ضيوف ع الدنيا
عامي مربعات
كداب يا اللي تقول الدنيا ديمالي
كانت دامت لمين من قبلك
ولا تقول الشباب راس مالي
ياما شباب راحت من قبلك
غني ماشي في بحر الهوى غرقان
وفقير عايم على مركب قديم مرتاح
ضاع الغني في حب الهوى سكران
وحضن الفقير نسيم البحر بالافراح
كريم يا اللي تقول للضيف حود
بيت الكريم في وسط البلد باين
أصل الكريم على الكرم متعود
والبخيل لو طوله مترين مش باين
كل الناس على الدنيا ضيوف
كل الناس بتوحد الإله
ازرع الخير في الدنيا معروف
بكره تحصد قدام الكريم تلقاه
ضيوف ع الدنيا
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
