ايدين واحدة
بقلم الكاتب
محمد عباس
الاسماعيليه
ايدين واحدة
خلى الايدين واحدة متحدة
بترسم في المحن و حدة
وتحمي الشدة بالقوة
ومهما كان الصراع ساري
طريق النصر بروحنا إجباري
يا عيون راصدة في وضعنا الحالي
غزة بنتادي يا ولادي
الضمير شارد ومش شادي
ولادي الغدر طايلهم
ترابي يحن يحضنهم
يضخ الدم في صدورهم
ترد الروح في ابدانهم
يعودو للحياة تاني
من أجل النصرة والوادي
تحن الضفة وتنادي
يا غزة البركة في ولادي
يموت كل اللى بيعادي
مهما تبعد اوتحيد
مهما قلت إني عنيد
صحوة حرة بألف ايد
ونصرنا دا شئ أكيد
الكيان العربي واحد
شد حيله وقال يجاهد
قال يكبر لاجل يبني
لاجل ابنك لاجل ابني
لاجل نبقي اتنين في واحد
لاجل درة واغلي ساعد
لاجل قدسي تعود لحضني
والاذان في الاقصي يعلى
دا الجهاد في الشدة واجب
سوريا لبنان اغلي شاهد
ضحوا بكل فريد وزاهد
لاجل بكرة ما نبقي واحد
والعرب في الخير تساعد
كله بادر في التحدي
كله قال الود ودي
في ايدين تنشد تعدي
صرخة طالعة ونبض عاهد
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
