ياااااا على الدنيا
ياااه ع الدنيا
ناس بتروح وبتمشي ف ثانيه
كانت عايشة حياتها وناسية
ان الدنيا يا عالم فانية
.
.
ياااه ع الدنيا
لما الأخ بيقطع اخته
يأكل حق لكل ولية
يضحك.. ويعيش بحقوق غيره
فجأة بترحل روحه ف ثانية
.
.
ياااااه ع الدنيا
لما العالم ينسى عباده
ضحك ولعب وشو وإباده
تجي الساعة وتندم ناس
بس خلاص مبقاش ف إفاده
.
.
ياااااه ع الدنيا
لما شيطان يدخل ف البيت
وطلاق ويا خناق وجريت
وعادات راحت كانت حلوه
اصل زمانك راح وانسيت
.
.
يااااه ع الدنيا
لما الأبن بيشتم ابوه
قوه ومال وشيطان غلبوه
ابنه هيعمل فيه ويذلة
اصل الكأس داير وجابوه
.
ياااه ع الدنيا
لما البت بتنسي حياء
صوتها بيعلي وأصبح داء
لما الكل يعيب وبينصح
تضحك وتقول انه غباء
.
.
ياااااه ع الدنيا
وقت وضايع ويا جهاز
تليفون ف الأيد مبتنساش
لو نور قاطع راح تتجن
هتولع ف الدنيا بجاز
.
.
ياااه ع الدنيا.
نسيوا خلاص وصل الارحام
قطعوا أخوه وحتى كلام
اب ف تربة راح يتقلب
روحه بتبكي وصرخة ملام
.
.
ياااه ع الدنيا.
حتى مريض قطعوا زيارات
ومفيش صدقة ومساعدات
قسوة ودخلت جوه نفوس
وقلوب عايشة بنبض آهات
.
.
ياااااه ع الدنيا
جارك آصبح عايش حاله
نصبوا صوان جنبه افراح
ومفيش احساس ويا جيرانه
ومحدش عايش مرتاح
.
.
ياااااا ع الدنيا
ايام جوه نتيجة بتقطع
ومحطات للعمر بتجري
وانت لشو وفلاتر تزرع
ناس الآخرة.ف دنيا بتجري
.
.
ياااه ع الدنيا
.رمضان قرب ووراه عيد
حاول تنسي الكون وتعيش
اذكر ربك يله وزيد
هتعيش باقي العمر سعيد
.
.
.
ياااااه ع الدنيا
أطفال دخلوا ف مية العاب
وزمان كان كارتون غلاب
لكن جات ثورة اتصالية
هددت لعاداتهم وآداب
يا اااااه ع الدنيا
لما الصاحب يعمل صاحبك
بس القلب حقود مايصحبك
يضحك لما يشوفك مره
وف ضهرك بعيونه يطعنك
.
يااااه ع الدنيا
بقلم…. حنان الشامي
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
