ما لا تعرفه عن أسكندرية

ما لا تعرفه عن أسكندرية

كتبت/ دكتورة امانى محمد

ثمانى معلومات عن تاريخ إسكندرية مكنتش تعرفها وهتخليك تندهش

١. إسكندرية أقدم من القاهرة باكتر من ١٠٠٠ سنة ، إسكندرية انشأت فى ٣٣١ قبل الميلاد والقاهرة انشأت في ٩٦٩ ميلادى يعني اكتر من ١٢٠٠ سنة ..

٢. الإسكندر مشافش #إسكندرية بعد ما تم الانتهاء منها عشان بعد ما دخل مصر راح يحارب فى أماكن تانية لحد ما مات فى العراق والأسطورة بتقول إنه رجع يتدفن في إسكندرية ..

٣. إسكندرية عدى عليها يونانيين ، مقدونيين ، رومان (ايطاليين) ، بيزنطيين (روما الشرقية) ، و عرب من شبه الجزيرة العربية. كل دول حكموا إسكندرية فترات من الزمن و كل فترة أدت للبلد حاجة و أثرت فيها ..

٤. عدد اليونانيين فى إسكندرية سنة ١٩١٧ كان حوالى ٥٦ الف نسمة ، دلوقتى عددهم قل لحد حوالى ٤ آلاف نسمة بس و طبعا كلهم مندمجين فى مصر ..

٥. مكتبة الإسكندرية الحالية هو مبنى حديث معمول قريب لكن مكتبة_الإسكندرية الحقيقية اتحرقت سنة ٤٨ قبل الميلاد

٦. إسكندرية فيها مدينة كاملة مدفونة تحت المياة (هرقليون) و كلها أثار و حاجات من عصر البطالمة و الرومان و للأسف مش كتير بيزورها ، بالمناسبة اللوجو بتاع الدوري الإنجليزى متاخد من تمثال تحت المياة هناك

٧. زمان إسكندرية كانت متقسمة ٣ مناطق ، جزء لليونانيين و جزء للمصريين و جزء لليهود ، الجزء إللى كان عايش فيه المصريين كان قرية هو راقودة إللى هو دلوقتي إسمه كوم الدكة ..

٨. اخيرا بقى إسكندرية مصر هى واحدة من اكتر من ٥٠ مدينة إسمها إسكندرية برضو حوالى العالم وموجودين في كندا و البرازيل و إيطاليا و رومانيا و تركيا و روسيا وغيرهم لكن أشهرهم على الاطلاق إسكندرية بتاعتنا .

ستبقى الاسكندرية المصرية رمز ومن اهم المناطق الساحلية ومعروفة بكرم اهلها وابتسامتهم البشوشة وجدعنة اولاد البلد ولذلك لقبوها ب عروس البحر

ما لا تعرفه عن أسكندرية