عبدالناصر محمد حسانين السوهاجي
إعتاد الحاج حسان ان يجمع أحفاده من حوله كل ليلة ويحكى لهم حكايات من الماضى تلك الحكايات كان الأحفاد يشتاقون كثيراً لسماعها لكن الجد حسان وضع شروطاً لحضور مجلسه أهمها ان يكون الحفيد طائعا لوالديه وان يجتهد فى دراسته كل الذين فى سن أحفاده يلتفون حول التليفزيون يشاهدون الأفلام والمسلسلات والمسرحيات أما هؤلاء الأحفاد فيجدون فى حكايات جدهم الحكمه والموعظه وكانو يشعرون بمتعة كبيره أثناء تواجدهم مع جدهم وجدتهم ومن تلك الحكايات التى حكاها الجد حسان قال زمان قبل السد العالى يا أولاد كان عمرى حوالى 15 سنه كان موسم البلح بيجى أيام الفيضان وكان معظم النخل وسط مياه الفيضان كنت بروح الغيط مع ابى و جدى وجدتى علشان نقطع النخل ويجى الراجل اللى بيقطع النخل وكان بياخد ثلث البلح والبلح بيختلف كل نخله عن الأخرى كان فيه بعض النخل وسط مياه الفيضان كان فيه صعوبه فى قطعه كان اللى فوق النخله بيربط سباطة البلح بعد ما يقطعها ويربطها فى حبل ونتلاقاها منه او يمسك اربعة رجال طرف بطانيه قديمه ويرمى المعلم اللى فوق النخله جنو البلح فوق البطانيه ثم نخرج به الى اليابس لنخلى البلح من الشراميخ ويحكى الجد حسان لأحفاده ويقول فى إحدى المرات ألقى عم صابر اللى بيقطع لينا النخله جنو البلح وبدل ما يرمى به فوق البطانيه القى به فوق راس الجد حسان واحد اصدقائه وظلوا قرابة الشهر فى فراش المرض جراء الاصابات التى اصابتهم وحكى الجد حسان لاحفاده بانه فى احد الايام كان يلعب وأثناء عودته وجد بعض الفتيات قد خلعن ملابسهن ودخلن للاستحمام وسط المياه فغافلهن وقام بجمع ملابسهن وذهب بالملابس الى البيت وظلت الفتيات وسط المياه حتى جن الليل عليهن فذهب الاهل للبحث عنهن والغريب ان احسان اخت حسان ورجاء ابنة عمه كانت من ضمن الفتيات وكانت ام حسان قد رات ابنها وهويدخل متسحبا على اطراف اصابعه ويدخل الغرف الوحيده فى البيت ليخبئ ملابس الفتيات التى اخذها فلما عرفت بالموضوع دخلت واحضرت الملابس وذهبت بالملابس واعطت كل فتاه ملابسها ولم تفصح ام حسان عن الذى فعل تلك الفعله لانها لو اخبرت بان حسان هو الفاعل لنال اشد العقاب خاصة من عمه بسبب ابنته رحاء
لكن الأحفاد طلبو من الجد حسان ان يحكى لهم عن نفسه فاذا بأحد الاحفاد يسال جده هوه ياجدى مش الصعايده بيتجوزو صغيرين اجاب بالإيجار قال له ليه ياجدى الفرق بينك وين باب اكتر من 40 سنه وبين بابا واخويا الكبير 21 بس ايه السبب تغير لون وجه الجد فجاه وابتلع ريقه وفجأة دمعت عيناه وندم الحفيد ان سأل الجد هذا السؤا ل خاصة ان بعض الأحفاد الاخرين منهم من غمز بعينه ومنهم من ضغط على قدمه سكت الجد بس ياولاد دى حكايه طويله قالو قسمهالنا ياجدى كل يوم احكيلنا شويه وافق الجد واذا باكبر حفيد يقول له وانا هكتب فى نهاية القعده وصلنا لفين ابتسم الجد ثم مال على راسه وقبلها وبعدها قبل جميع الاحفاد
قال الجد حسان رغم انه الحكايات دى هتقلب على المواجع يا احفادى ورغم مرورالسنين الا اننى منستهاش عارفين يااحفادى انا كان نفسى يجينى زهايمر علشان انسى جراح الماضى
ابويا كان معاه أخ واحد وكان أبويا أكبر من عمى ويعتبر هوه اللى رباه بعد جدى عمى اتعلم واشتغل فى وظيفه مهمه وبدل ما يساند أبويا ويرد له الجميل عمل ايه زور اوراق واستطاع ان يستولى على ميراث جدى كله وللاسف محدش فى البلد يقدر يشهد ضده الكل بيخاف منه وناصب عمى العداء لوالدى كنت اتعجب وكان عمى هو اللى اتظلم كان عمى بيتعامل معانا ومع ابويا بكل قسوه وبعد ان اكل ميراثه تسبب فى ايذائه وخسارته ابى خلفنى انا واربع بنات والدى شقى كتير فى حياته وكان عايش فى حاله بعد ما اخوه الوحيد استولى على حقه بدا ابى يعيش فى عزله واذا ما استاجره احدا للعمل معه كان لا يحكى ابدا اثناء عمله معظم الشباب الصغير كان يفتكر انه ابويا اخرص بعد ماكبرت كنت اشتغل واساعد والدى عمى كان معاه بنت مش جميله محدش راضى يقرب منها ولا يخطبها بعت لأبويا مرسال انه عاوز حسان اللى هوه انا يتجوز بنته رجاء ابويا جاى باين عليه الغضب وقال انا مشفتش بجاحه زى بجاحة عمكم بعتلى عاوز حسان أبنى يتجوز بنته أنا رديت وقولت لو بنته آخر بنت فى الدنيا مش هاخدها حتى ولو كانت ملكة جمال بس هيه الحمد لله مش ملكة جمال ولا حاجه واكمل حسان كلامه مع والده وقال وبعدين يا ابا انا مشوارى طويل انا يابا عاهدت ربنا انى مش هتجوز غير لما اخواتى البنات يتجوزو كلهم ابويا رد وقال اوعى يا حسان تكون خايف من عمك وخايف ياذيك علشان مخدتش بنته عارف لو قربلك انا هقتله وان شا لله اخد فيه تأبيده
ردحسان لا والله يابا بعد 3 سنين اتجوزت بنت عمى رجاء واحد من بلد تانيه وعرض عليا ابويا انه اخطب واتجوز رفضت وبالفعل انتظرت يااولاد لحد ما اخواتى يتجوزو
الجد كفايه لحد كده ياولاد ونكمل بكره رد الاحفاد حاضر ياجدى طلب الجد من احفاده انهم يتناولوا طعام العشاء معه هوه وجدتهم ضحكوا وقالو بس على شرط نساعد جدتنا فى تجهيز الطعام رد الجد وانا موافق يا حبايبى
وقامو ليساعدو الجده وتناولوا الطعام كان طعاما لذيذ شعر الأحفاد انه أجمل طعام اكلوه وانصرفوا
وفى اليوم التالى اجتمع الجد بأحفاده وقال لهم وقفنا لحد فين يا ولاد رد حفيده لحد ما اخوتك كلهم اتجوزوا وبعديها يا اولاد لقيت بنت الحلال اللى توافق على وانا تخطيت الاربعين اللى هيه جدتكم كانت اصغر منى ب 15 سنه كان عندها 25 وكانت جميله ومن ناس كويسين وربنا رزقنى منها باربع اولاد ومخلفتش منها بنات رغم انى كان نفسى ربنا يعطينى بنت رد احد الاحفاد ما كفايه اخواتك البنات يا جدى وبعدين ربنا اعطاك اربع اولاد لانك وقفت مع ابوك فى تجهيز الاربع بنات اخواتك رد الجد حسان جايز ولكن كل شيئ مقدر ومكتوب وتعرفو يااولاد ابويا مات بعد ما اتجوزت بخمس شهور بس كانت جدتكم حامل فى اول ولد عارفين كنت هحزن قوى لو ابويا مشفش فرحى بس هوه رايد ربنا لانه لو ابويا مات مكنتش فكرت فى الجوازوبعد كده اعتذر الجد وقال انا يا اولاد حاسس انى تعبان وعاوز ارتاح نكمل بعدين هخلى جدتكم تعملكم كل واحد كبايه حليب فاذا بكل حفيد يقول ممكن ياجدو نعمل نس كافيه و اخر قال عاوز كوفى ميكس واخر كباتشينو وآخر شيكولاته باللبن اخرج الجد من جيبه عشرون جنيها وقال دى تكفى تشترو اللى عاوزينه رد الاحفاد احنا معنا مصروفنا ياجدو وهنجيب اللي عاوزينه قال الجد خدوها وكملوا من مصروفكم
وفى الايام التاليه حكى الجد من حيث انتهى
وقال اتجوزت وربنا كرمنى بزوجه صالحه وبابناء صالحين واصبح ابنائى الاربعه فى وظائف مرموقه وانتو كمان يا احفادى ربنا يحميكم ويحفظكم ياحبايبى كلكم متفوقين ومؤدبين ردو وقالوا الحمد لله ياجدو
واذا باحد الاحفاد وهو عمك عايش ياجدى ولا مات رد وقال عايش رد احدهم ومعاه عيال غير بنته رجاء ياجدى اللى مرضتش تتجوزها قال ايوه معاه ولدين طيب همه ليه مبيكلموناش رد الجد يا اولاد الكراهيه بتمتد من جيل لأجيال لحد ماحدش يعرف انكم انتم وهمه قرايب
وظل الجد يحكى لأحفاده تاره عن نفسه وتاره عن اقاربه وتاره بلده
وفى إحدى الأيام ذهب الأحفاد فوجدوا الجد حسان مريض وأخبرهم الجد انه يشعر بقرب أجله فقال له جدوا انا عاوز اقولك على حاجه انا كنت بسجل كل الحكايات على موبايلى عاوز كل اللى سجلته أكتبه تسمحلى يا جدو وتأذنلى يا جدو ابتسم الجد وهز راسه بالموافقه وبعد ساعتين جاء اتصال من الجده تخبر اباءهم بان أبوه قد مات وكان الأحفاد اسرع من اباءهم فى الوصول الى بيت جدهم
الغريب ان عم جدهم واولاده لم ياتو لحضور مراسم الدفن او العزاء
تمت
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
