تصريحات ترامب وماذا يستطيع ان يفعل ؟؟؟

تصريحات ترامب وماذا يستطيع ان يفعل ؟؟؟

بقلم _د./ نورالدين سعد
رئيس القسم السياسي

ماذا يحدث بالعالم ومنطقة الشرق الأوسط
ماهى معادلة ترامب ؟؟؟

مصر بإذن الله آمنه وسننطلق اقتصاديا كمان
كل ماترامب يولع فى الصين واوروبا
تصريحات ترامب وماذا يستطيع ان يفعل ؟؟؟ :

طبيعة الامراض النفسيه لدى ترامب تجعله لايستطيع الابتعاد عن الاضواء ابدا وبالتالى لايستطيع الصبر حتى الوصول الفعلى للسلطه

بوتين (( القيصر )) كعادته كرجل استخبارات من العيار الثقيل وضح هذا واختصره فى جملة (( نفسيه )) واحده وقال  اسمع تصريحات كثيره وننتظر بعد وصوله الى البيت الأبيض كم سينفذ منها 

لان ببساطه روسيا دوله عظمى وبوتين فرض قوة روسيا واعادها فى القمه من جديد  وغير مقبول تحدث ترامب عن انهاء حرب أوكرانيا فى يوم واحد (( لأنه تصريح ابله))

 بالتالى تعاملوا ذهنيا مع ترامب ان جنونه ومرضه النفسى سلاح ذو حدين وخطير جدا 
ليس علينا كمصر او على العالم بالعكس خطورته تعود على اميركا والتوقع السائد ان يكمل ترامب خراب اميركا

 تصريحاته عن فرض عقوبات إقتصاديه على دول بريكس او اى دوله تحاول تقويض الدولار 

العالم كله بلاجدال يبتعد عن الدولار ومافعلته ادارة بايدن لن يستطيع ان يمحيه ترامب بالفعل اميركا دقت آخر مسمار فى نعش الدولار 

وكل دول العالم لن يعيدوا اخطائهم مره اخرى والجميع يتحوط ويعود للذهب ويبتعد عن الدولار والدليل ان المطابع الامريكيه التابعه للبنك الفيدرالى صرحت بأنها لاول مره فى تاريخها توقف ٩٠% من خطوط طباعة العمله  ده معناه قلة الطلب وبطء التعامل على الدولار

 وثانيا : كل دول بريكس (( عدا الصين )) لا تصدر بقيمه تذكر لاميركا وتستورد كافة الدول بعشرات اضعاف من اميركا  والصين كده كده معروف حرب ترامب عليها 

يعنى لو اعتبرنا ان ترامب رفع الرسوم على الصادرات المصريه لاميركا هيكون ريحنا تماما 

وطبيعى (( العميقه )) هتحرك اجراءات لتقليل الاستيراد من اميركا والاقوى  دعوات مقاطعه هتلف العالم كله مع اى دوله هيصدر ليها هذا القرار

 ثالثا  ده هيحرك دول بريكس اسرع كثيرا فى التبادل بينهم بالعمله المحليه وزيادة التصدير والاستيراد يعنى كمصر هنكسب اكتر بكتير

 تصريحات ترامب عن الأسرى الاسرائيليين عند حماس والوعيد والتهديد :

 لازم نكون واقعيين هيعمل ايه ترامب او غيره من الشياطيين فى غزه او حماس 

(( فى حاجه متعملتش؟؟)) طيب هو في اى شكل حياه فى غزه ؟؟؟

 اذا تصريح يخسر ترامب واميركا اكتر من المكسب

 طيب قال التصريح ليه ؟؟؟ 

عشان احنا كررنا كتير جدا فى تقرير المختصر المفيد ان لمدة شهرين اتفرجوا بهدوء لان كل اللى هيحصل مجرد تمهيد للاداره الجديده 

وترامب طبيعى عايز باقصى طاقه يدخل البيت الأبيض والامور اكثر هدوءا وعلى اقصى جهد هيحاول يضغط يوقف الحرب فى غزه ويعمل تبادل اسرى قبل وصوله

وبكل تأكيد لازم يكون وضع إسرائيل جيد يعنى هيحاول زى لبنان يثبت الاوضاع ومفاوضات تشتغل وتاخد زى ما تاخد من وقت

 تصريح ترامب والتهديد للشرق الأوسط كله :

 كده كده الشرق الأوسط مشتعل وكله صراعات
ايران
العراق
سوريا
اليمن
فلسطين
لبنان
السودان
ليبيا
تونس
المغرب مع الجزائر

ايه ده وهو فاضل مين كده ؟؟؟
مش مصر متقلقوش ترامب عايز فلوس 

التصريح ده موجهه للخليج (( جهزوا فلوسكم او هخلى ايران تولع فيكم ))  اه زى مابقلكم كده بالظبط

لان ترامب بيتكلم عن اسرى إسرائيل لدى حماس ايه علاقة الشرق الأوسط كله بالموضوع ده وليه يهدد ترامب انه هيولع فى الشرق الأوسط (( كله )) ؟؟؟

ماذا يحدث بالعالم ومنطقة الشرق الأوسط ؟؟ :

 هنفكركم تانى لغاية مايوصل ترامب هيفضل الحزب الديمقراطى يعقد كل الملفات باقصى طاقه ودى مباراه سياسيه امريكيه معروفه 

ترامب برضوا عمل نفس الشئ قبل تسليم السلطه وأسوأ كثيرا ممايفعل بايدن  خرج من اتفاقيات دوليه كثيره واقال نصف مسئولين مؤسسات اميركا وترك بايدن عند وصوله يعيد بناء هذه المؤسسات ويعود للاتفاقيات لمدة ستة اشهر 

لدرجة اخفاؤه وثائق سريه وهامه جدا بكميات هائله بمنزله وهى القضيه الشهيره جدا لمداهمة منزله ومحاكمته

اذا كل مايحدث الآن هيتغير بشكل كبير جدا بوصول ترامب ملفات ستتغير للأفضل (( الصراعات والحروب ))
وملفات ستتغير للأسوأ كثيرا (( اقتصاد اوروبا والصين ))

هيأثر على اقتصاد العالم كله لكن هيكون ليه اثر ايجابى جدا على كل الدول الناشئة وعلى قمتها مصر

 ماهى معادلة ترامب ؟؟؟

باختصار معادلة ترامب فلوس ثم فلوس ثم فلوس
ثم عقب انتهاء فترة الرئاسه الثانيه يكون كبر ثروته الشخصيه ليه وعائلته بقدر هائل 

وكل رؤساء اميركا بيعملوا كده (( كلهم بلا استثناء ))

 ده هيتم ازاى ؟؟؟

 ثروته الشخصيه ده موضوع ميهمناش خالص

 هيرفع الجمارك على اوروبا والصين ودى اكبر اقتصادات العالم  اللى فاكر ان ده ممكن يحصل مش فاهم اى حاجه فى الاقتصاد:

 اول حاجه هينهار (( الدولار )) واقتصاد اميركا نفسها

 لكن هتحصل قيود وهيرفع الجمارك (( لكن بشكل محدود ومدروس جدا ))

 ولو شوفنا بايدن ووعوده الانتخابيه ولو فاكرين خطة
ال ١٠٠ يوم اللى أدى وعود هينفذها خلالها ومتنفذش منها ولا وعد هنعرف طبيعة الدوله الامريكيه 

وافتكروا تقرير المختصر المفيد (( اسبوع الكذب الاميركى))
اللى كله وعود وكذب فقط من اجل حصد الاصوات والفوز بالانتخابات (( وكده كده الشعب الاميركى كله اصبح منقسم ولايثق لافى الحزب الجمهورى ولا الديمقراطى )) ولو حاول ترامب يتفذ ١٠% من وعوده هتشتعل اميركا بحرب اهليه حارقه

 فلوس فلوس فلوس  هتيجى ازاى؟؟

زى فترته الاولى بالظبط افتكروا معانا كده :

 مبدئيا اميركا مجرد وجه للاستعمار الجديد وطبيعة الاستعمار الاستيلاء على الثروات وفكر ترامب الاستيلاء على الثروات دون حروب

 الخليج كلنا فاكرين 
تميم فى اميركا فى لقاؤه مع ترامب اما فضحه وقال بنشكر امير قطر جدد لاميركا قواعدها بقطر ب ٨ مليار دولار على حساب قطر  طبعا اميركا اللى اخدت ١٠ اضعاف المبلغ ده وطبيعى محدش هيدخل قواعدها

 وحديثه الشهير على الهواء اما تفاخر باتصال واحد بملك السعوديه وقاله بنحميكم لازم تدفعوا وقال وقتها انه اخد مايقارب التريليون دولار الا ربع (( تخيلوا الرقم ؟؟؟)) يبنى اقتصاد ال ٢٢ دوله عربيه او ال ٥٧ دوله اسلاميه

 وفى عز الضغط على ولى العهد السعودى بحادث خاشجقى  استقبله فى البيت الأبيض ورحب بيه بحفاوه وطلع الصوره الكبيره الشهيره وقال على الهواء اشترى مننا سلاح ب (( ٧٥٠ مليار دولار )) وده هيشغل مصانع سلاح كثيره مغلقه وهيوفر مئات الالاف من فرص العمل للامريكيين لمدة ١٠ سنوات

وغيرها كتير من كل دول الخليج

غير ما حصله ترامب من كل الدول الغربيه الموجود قواعد امريكيه على اراضيها وكمان فى آسيا كوريا الجنوبية واليابان وغيرها 

وعلى سبيل المثال كوريا الجنوبيه دفعت فورا 
(( بعد لقاء ترامب مع مجنون كوريا الشماليه التاريخى يعنى تهديد مباشر لكوريا الجنوبيه ))

يعنى اختصارا فترة ترامب هيا فترة جبايه عالميه يتحسب لها كل الدول الغنيه

مصر بإذن الله آمنه  القويه وننطلق اقتصاديا كمان  كل ماترامب يولع فى الصين وأوروبا :

ازاى مصر هتستفيد من تصرفات وفترة حكم ترامب ؟؟ :

لو رجعنا بالذاكره للماضى القريب اقوى فترة انطلاق للاقتصاد المصرى الفتره الأولى لحكم ترامب
من عام ٢٠١٦م الى عام ٢٠٢٠م فتره ذهبيه للاقتصاد كان معدل التنميه هائل والعمل وقلة البطاله وكان فى تحسن غير مسبوق

وعلاقته بالرئيس السيسى كانت ممتازه 
(( رغم ان مصر رفضت تماما صفقة القرن واقامة دوله فلسطينيه فى سيناء وافشلتها وحشدت عالميا الرفض العالمى الشهير وقرارات الجمعيه العمومية للأمم المتحده برفض قرارات ترامب بالاعتراف بالجولان اسرائيليه والاعتراف بالقدس (( كلها عاصمة إسرائيل))

وليه ترامب علاقته فضلت جيده بمصر لانه ببساطه رجل اعمال وببساطه مصر بوابة افريقيا وبالنسبه لاميركا افريقيا دى منجم الثروات التى قامت عليه كل نهضة أميركا منذ نشأتها كانت ومازالت بتسرق خامات افريقيا وكمان بتجلب الافارقه عبيد تشغلهم ببلاش
وحاليا علاقة اميركا والغرب كله بافريقيا فى أسوأ حالاتها ولآ يمكن الاستغناء عن مصر فى هذا الملف خاصة انها اصبحت من اهم واوثق شركاء الدول الافريقيه لشرفها ومعاملتها الصادقه وجهودها الحثيثه لتنمية هذه الدول 

بس مش ببلاش زى ما كان بيعمل الزعيم عبد الناصر
مصر بتشتغل بتبادل المنفعه صفقات استثماريه وطبعا مماسبها كبيره جدا الحمد لله

طيب والصين وأوروبا اما تقل حصتهم اتجاه اميركا هيعملوا ايه ؟؟؟ :

مبدئيا العالم كله اقتصاديا بوتقه واحده يعنى عدد سكان العالم واحد بيستهلكوا كم محدد من كل حاجه

بالتالى استهلاك العالم من البترول يوميا ثابت اما اتعملت عقوبات إقتصاديه على روسيا العالم ميقدرش يستغنى عن البترول الروسى والانتاج الكبير بتاعها بالتالى بدلا من التصدير لاوروبا صدرت روسبا لآسيا على رأسهم

الصبن والهند واميركا والخليج اتوماتيك وتلقائيا حولوا صادراتهم من اتجاه الجنوب لآسيا الى الشمال لاوروبا

يعنى هيقل اقتصاد الصين وأوروبا اتجاه اميركا هيتنقل تلقائيا الى وجهات اخرى وبحجم كبير جدا
حتى اميركا نفسها هتتأثر وهتقلل اقتصادها نحو الصين طبيعى برضوا هتنتقل الى اماكن بديله :

طبيعى الصراع القادم هيكون ننقل بسرعه ونروح فين ؟؟ وطبيعى العماله رخيصه فى الدول الناشئة لكن الصعب جدا ان الدول الناشئة البنيه التحتيه دائما فيها منهاره بالتالى طرق طاقه كهرباء وغاز وموانئ ومناطق صناعيه وغيرها مش متوفره وطبيعى الدول العظمى دى كلها الوقت يفرق معاها جدا لو اتاخرت عشان تنشئ بنيه تحتيه

عشان كده الصين عملت اتفاقية طريق الحرير ودى اساسها انشاء وتوسع فى البنيه التحتيه تسهل على الصين انتشار وتوسع تجارتها واقتصادها

وبالتالى مصر مع البنيه التحتيه العملاقه هتكون وجهه مناسبه جدا للحرب المحتدمه اللى بدأت بالفعل من نهاية عهد الفتره الاولى لترامب وهتزيد مره تانى حاليا

عشان كده باذن الله مصر هتفوز بنصيب الاسد من التغيرات دى

ومن الاساس مصر متصدره افريقيا وعربيا رغم الازمه الاقتصاديه الطاحنه فى جذب استثمارات هائله وكلمة السر فى كل ده (( البنيه التحتيه +، الموقع الذهبى + الاستقرار )) والاطمئنان ان القياده السياسيه للدوله المصريه البعد عن النزاعات وتنمية الاقتصاد

ومنقلقش من كل الحروب واشتعال المنطقه اللى حوالينا 

باختصار كله هيدفع والدنيا هتهدى (( ومش هتلاقوا مخلوق يقول هذا الكلام بهذا الوضوح )) :

= ايران بتخاف من ترامب وهو غير مقتنع بتعاونها مع الصهيونيه العالميه وبالتالى هيحجمها وهيفرض عليها عقوبات بالتالى مش هتقدر تمول حد وهتذبل اذرعها كلها

= الخليج هيدفع بالتالى هيبعد ترامب عنه تهديد ايران واذرعها

= الدول المدمره قولا واحدا قلنا مش سهل دوله مدمره هترجع تانى يعنى متوقع مشهد الدول دى مش هيتغير كثيرا او قليلا

= ترامب عارف ام روسيا أنهكها الحرب وحصدت الحرب سنين كتير من اللى بناه بوتين بالتالى هيوقف الحرب ومن مصلحة اميركا اقتصاديا رفع العقوبات عن روسيا عشان يحارب ببترولها وغازها الخليج 

(( فيدفعوا اكتر لاميركا ولترامب شخصيا واسرته وده مؤكد 
فاكرين فى زيارته اما راح بمراته والعيله كلها ؟؟؟

مش اشاعات ده حقيقى اليخوت والالماس الحر وغيرها الرقم كان بمليارات كتيره جدا وقتها اتقال ١٤ مليار

ووصلت الاشاعات لمرحلة التحقيقات فى الوثائق السريه بمنزل ترامب انه باع اسرار نوويه بعشرات المليارات اخدهم شخصيا للسعوديه

= لبنان قلنا إسرائيل بتتوسع فى الجنوب وهتفضل فيه
= غزه والضفه إسرائيل هتتوسع فيهم (( لكن مش هيتم تهجير  وهتدخل مساعدات وكل حاجه )) لكن الاعمار هيتم على مساحه قليله جدا وهيا دى بس اللى هيعيش فيها اهل غزه
= الضفه هتقف الحرب والمواجهه فيها لكن فترة ٤ سنين ترامب هتشهد بناء مستوطنات واستيطان غير مسبوق

=== المؤكد كمان ان تركيا وإسرائيل هيتوسعوا فى الاستيلاء على مساحات اكبر من اراضى سوريا 

وعلى فكره روسيا مش هتعترض وميهمهاش ده لان روسيا اهم اهدافها مصالحها فى سوريا طالما لم تمس مفيش مشكله ايه تانى يحصل فى سوريا 

وكل الدول اميركا، روسيا، إسرائيل، تركيا هيحافظوا بكل طاقتهم على نظام الأسد لان ده نظام مسيطر عليه ولايملك قرار سيادى او قوة الرفض او الوقوف مفردا امام المعارضه

= السودان طول عمره منذ انفصاله عن مصر ١٩٥٦م وهو فى حرب اهليه سواء جنوب مع شمال ولادارفور مع الدوله ولا ولاية النيل الازرق ولا غضارف ولا غيرها 

بالتالى ده وضع سيظل قائم 
ومصر بتحاول تأمن محافظات الشمال مع الخرطوم والجزيره وبورتسودان عشان بالف سلامه السودانيين يرجعوا بلدهم بالف (( خير  الجداد واللى قبلهم من عشرات السنين ))

وعلى فكره برضوا محافظات كتير فى سوريا آمنه واغلب المحافظات المشتعله السوريين من أبنائها راحوا تركيا وأوروبا  وتركيا بتساعد وبتظبط حلب وادلب وغيرها عشان ترجعهم بالسلامه للمحافظات دى

وباذن الله هيطمنوا وهيرجعوا من مصر لبلدهم (( او اى مكان تانى نفسهم فيه زى ما غادر كتير جدا خلال ال ٩ شهور اللى فاتوا 

 وطبعا بنقول بمزاجهم وبرضاهم 

الايموشن بتاع برضاهم عن كل المقيمين الأجانب 
(( مش ده الوش بتاع برضاهم برضوا ؟؟؟؟))

واضح من كلامنا فى التقرير اننا مش قلقانين وبرضوا مش بنقول اى معلومه جديده ولو رجعتوا سنين كتير للتقارير السابقه (( هتلاقونا بنطمنكم دايما وعمرنا ما ضحكنا عليكم )) 

= ارجعوا وقت الثوره هتلاقوا التقارير بتقول متخافوش الدول حوالينا هتقع مصر مش هتقع

= اما فاز مرسى قلنا متخافوش على مصر سنه وكان انزاح

= اما بدأت المشاكل بعد إزاحة مرسى قلنا متخافوش هيتلم الاخوان

= اما اشتغلت الحرب العالميه ومنتخب إرهابيين العالم قلنا متخافوش ابطال مصر قدها ومحدش هيقدر يمس تراب مصر (( وحصل ))

= اما اشتغل الارهاب من ليبيا وطلع اردوغان يقول ليبيا قلنا متخافوش والخط الأحمر محدش لمسه من سنين

= اما قامت حرب السودان قلنا متخافوش مش هتقرب الحرب من حدودنا تحت اى ظروف

= اما قامت حرب غزه وجت كل دول الصهيونيه العالميه بحاملات طائراتها وبوارجها ومدمراتها وغواصاتها وقواتها

كله بلا استثناء كان مرعوب وعمالقه اجزموا ان مصر دخلت الحرب وقلنا متخافوش محدش هيقدر يلمس مصر وحصل ومازال

= وفى عز كل ده مصر كمان بتبعت قوات وتنجد الصومال وغيرها كثيرا

وكل الحروب اللى حواليكم دى والازمه الاقتصاديه وغيرها مش ده اصعب وقت على مصر اطلاقا 

من ٢٠١١م الى نهاية ٢٠١٥م دى كانت اصعب واسود وأسوأ سنين مرت على مصر وكانت حالتنا ميؤوس منها باى مقاييس اقتصاديه او أمنيه، عدا

( الجيش اللى حما وقدر يرجع بالبلد دى تانى ويكون طوق نجاه ومتغرقش بلدنا ابدا )

تصريحات ترامب وماذا يستطيع ان يفعل ؟؟؟

ربنا يحفظ مصر وشعبها بخير وتقدم وأمان
#د_نورالدين_سعد