شاب متهور يدهس أم وبنتها على طريق المحمودية.
كتب/ عطية عبد الرحمن عاصى
قام شاب فى العشرين من عمره بقيادة سيارة ملاكى على طريق محور المحمودية بسرعة جنونية وقام بالالعاب الغير مسؤلة بما يسمى
( غرز يمينا ويسارا ) وفقد السيطرة على السيارة وعند الانحاء للدورن للخلف خرجت السيارة على الرصيف واصدمت بعمود الكهرباء وتهشمت
وصادف ذلك العمل المتهور وقوف سيدة فى العقد الثالث من عمرها وبصحبتها ابنتها التى تبلغ من العمر عامان فقط ومن شدة الارتجاج طارت السيدة فى الاتجاة المعاكس ولولا العناية الالهية لاصدمتها سيارة اخرى
كما بقيت الطفلة تحت السيارة الملاكى التى تحطمت من الامام بصورة كبيرة وحاول الاهالى اخراج الطفلة من تحت السيارة دون جدوى حتى تجمع عدد كبير ورفعوا السيارة واخرجوا الطفلة وهى مازالت على قيد الحياة
وتم الاتصال بالنجدة وسيارة الاسعاف وتم عمل محضر بالواقعة وكذلك نقل المصابين إلى المستشفى
أمام مدخل حجر النواتية بسرعة جنونية وبيعمل غرز بين العربيات كأنه فى سباق
وبشكل مرعب كأنك بتتفرج على فيلم رعب الشخص المستهتر ده يطلع بالعربية فوق الرصيف ويدهس أم وبنتها الصغيرة ، ومفيش حاجة قدرت توقف العربية غير إنه دخل رشق فى عامود الكهربا اللى فوق الرصيف ،
الأم طارت بعيد من عزم الخبطة ،، وبكل أسف البنت الصغيرة تحت العربية والناس مش عارفين يطلعوها !!!!
وهنا كان الحل الوحيد إن العربية تتحرك من مكانها عشان يتم إنقاذ الطفلة ،
وبالفعل الناس سحبوا العربية من مكانها لأن العربية من قوة الإصطدام عطلت ، والحمد لله طلعوا الطفلة من تحت العربية بأعجوبة
وهنا بقى كانت المفاجأة
صاحب العربية اللى حضراتكم شايفينه فى الصورة ده 
لما الناس بدأت تلوم عليه من فعله المتهور ، رد بكل بجاحة
(أنتوا مش عارفين بتتكلموا مع مين )
الواحد كان فاكر إن الكلام ده بيتقال فى الأفلام وبس لكن الحقيقة طلعت أبشع كتير
الغريبة إنه كان بيتكلم وبكل ثقة كأنه عارف ومتأكد إن محدش يقدر يقربله ولا يعمل معه اي حاجه
، والغريبة برضو إنه فى عز كل الأحداث دى والدنيا مقلوبة فضل لابس نضارة الشمس وكأن الست دى وبنتها مش محسوبين من البنى أدمين وإنه معملش حاجة ممكن تحرك فيه أى مشاعر ،
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
