( بحر الرمل )

حلم بكرة
بقلم الكاتب
محمد عباس
( بحر الرمل )
………
ابن بنا شراع نجاة
بين قلوب أشرار عتاة
رب قادر ع الطغاة
حكمه نافذ ع الجناة
زي ما نكون النهارده
اتولدنا من جديد
واتقابلنا وتعاهدنا
حبنا يصبح وليد
واترسم جوانا حلم
إن كل سنينا عيد
واتزرع في قلوبنا حلم
واتفقنا من بعيد
شمس ليل مشروع شهيد
واتصافينا واتراضينا
يبقي بيننا إيد وإيد
إيد تطبطب إيد تطيب
إيد وراها ألف إيد
كان أملنا نبني ذكري
روح جميلة و ١٠٠ نشيد
شرط فيه برهان وريد
حب جارف نار تأيد
لما يبقي حد واهم
يبني بيننا سور حديد
لحظة الصمت افترقنا
بعد ١٠٠ تهديد وعيد
والأمل في قلوبنا تاه
تاه ما بين الناس شريد
داهية فيهم
وفي ضميرهم
بين إيدين ومصير وحيد
والخيانة والمهانة
لما تبقى عقول مريض
دون أمانة أو ضمانة
والطمع سطوة تزيد
رب قادر آخرة فيها
اللي أكلو حق غيرهم
ونسيوا أي شعور زهيد
داهية فيهم
وفي مصيرهم
تاه ما بين الناس شريد .